Page 17 - MIN ON

designer. Hopi ta esnan cu ta pasa nan vakantie ta cumpra materialnan p’asina por decora
nan klas lokaal y hasi’e bunita p’asina e alumnonan por sinti nan mes na cas y trankil den
e lokaal cu nan ta haya les, Vrolijk ta mustra.

Un maestro ademas ta un ITer, webdesigner, designer y un computertechnicus, pasobra e
maestro mes mester cumpra su computer of laptop cu e lo uza bek den klas p’asina
visualisa e les duna na e muchanan. E no ta unicamente e laptop, pero tambe beamer of
television cu e lo uza. Sin lubida e proefwerknan cu mester wordo skirbi p’asina e mucha
por traha.

E docente mester yena e LVS na tempo p’asina cada mayor por mantene e progreso di
nan yui na bista, Vrolijk ta continua bisando.
Un maestro hopi biaha ta un banco tambe, unda mucha cu tin hamber y no tin di come ta
acudi na e maestro pa busca ayudo pa su alimentacion na scol.

Loke un maestro ta pidi e mucha bek como recompensa ta su prestashon na scol.

Asina’ki nos por mira cu un persona den e profesion di maestro tin hopi mas
responsabilidad cu simplemente duna les.
Y ainda mi no a bay den e parti di counseling, soluciona conflicto entre alumno, duna
guia na e mucha cu su curason a wordo kibra of ta pasando den momentonan dificil,
Vrolijk ta remarca.
Teniendo tur esaki na cuenta, e ora e pregunta ta bin dilanti: ken ta zorg p’e maestro por
sigi funciona optimalmente? Pasobra na final di dia un maestro tambe ta un ser humano
cu sentimento. Y sigur un maestro tambe mester guia y ayudo p’asina por eherce su
trabou optimalmente. P’esey mes nos di POR ta kere den e cuido di maestro.

Unda nan mester keda stimula y incentiva p’asina nan por duna e miho di nan. Esaki ta
algo cu por logra dor di hisa e calidad di nos sistema educativo p’asina e muchanan ta
miho prepara pa enfrenta e retonan cu lo haya riba nan caminda, Vrolijk ta enfatisa.

Ban evita y traha preventivo rib’e fenomeno di “drop out”, creando oportunidad igual pa
tur alumno y stimula “diferentiatie” den klas p’asina cada alumno por capta e lesmaterial
optimalmente, Vrolijk ta termina.