Page 94 - MIN ON

Aunke compara cu e grupo cu a bay Hulanda, esaki ta un grupo mas chikito di 55

studiante,pero cu ta mustra ta creciendo tur aña. A combersa cu e grupo aki y na mes

momento a scucha nan experiencia pa por a bay Canada, Merca of Panama. Minister di

Enseñansa ta sumamente contento cu e escogencia di e studiantenan, cual e echo ta cu e

escogencia ta creciendo. Por mira e diversificacion ta hopi importante pasobra no ta tur

studiante ta exitoso na Hulanda y esey ta algo cu Minister di Enseñansa a constata.

E pregunta cu ta bin dilanti ta “si Hulanda no ta pa mi, unda mas ta un potencial y unda

mi por studia”. Aki ta unda a mira cu e porcentahe cu ta bayendo Merca y Canada, toch ta

studiantenan cu ta logra caba nan estudio y ta haya nan diploma un tiki mas lihe cu

esunnan cu ta bay studia na Hulanda. Tin diferente motibo pakico esaki ta pasa y p’esey

kier tuma un tiki bentaha di esey, unda ta manda un grupo chikito cu tradicionalmente
tabata bay. Esey a pone cu a reforma e pakete cu nan ta ricibi for di Aruba lening pa por

brinda nan e oportunidad aki.

Den pasado e fondonan di Aruba lening no tabata yega suficiente pa esnan cu ta desea di

studia na Merca y Canada. A aumenta e suma maximo na Afl 140.000. Awo cu e cambio
aki, esaki a haci un diferencia grandi pe studiantenan di cual awo nan tin espacio pa hala

rosea y por bay studia trankil. Unda cu te hasta nan por traha por ehempel na Canada por
combina esaki libremente pafo di e campus y esey ta haci un diferencia grandi.

E grupo cu ta bayendo sea Merca, Panama of Canada ta hopi entusiasma y ta premira pa

por cuminsa cu nan estudio. Desde otro siman nan lo ta biahando pa nan destino pasobra

probablemente e estudio lo inicia den e prome siman di September. Ministerio di
Enseñansa lo keda monitorea con e progreso ta y con ta bayendo cu e studiantenan.