Page 93 - AVP

Observacion: Ministerio Publico Mester Aclarea Su

Agenda Politico

 Politica
- 14/10/2019

Caso IBIS unda ex Minister Paul Croes su denunciantenan tabata netamente actornan
politico di MEP – nota Edmond Croes, Solo di Pueblo – y awor Caso Avestrus cu esnan
cu e entrega denuncia ta Parlamentarionan di MEP, Endy Croes y Rocco Tjon.

Remarcabel y bisto ta cu tur for di un skina politico di MEP. Denuncia contra
periodistanan cu finalmente a wordo declara liber, tambe a sali directamente for di e
skina politico.

E pregunta ta awor con Ministerio Publico por laga su mes wordo usa asina sin mas dor e
integrantenan di partido MEP? Ta logico cu ta cuestiona e ora integridad y imparcialidad
di OM indudablemente.

Lider di partido AVP, Mike Eman a sali siman pasa, cuestionando e mesun hecho aki cu
ta mustra riba un “draaiboek” of agenda politico cu Ministerio Publico hunto cu
Landsrecherche tin. Con por ta posibel cu Recherchenan di Landsrecherche mes ta hiba
campaña politico pa cierto politiconan di MEP y despues ta encabeza investigacionan
contra politiconan di AVP? Con Ministerio Publico por tolera y acepta esaki?

E ta hopi cla cu Husticia ta activo na momento cu MEP ta na mando p’asina persigui
politiconan di AVP.