Page 50 - KPA jan 7

DIAHUEBS 7 JANUARI 2016 DIARIO PAGINA 25

Persona
acusa di
diferente
maltrato y
cu a cende
un cas na
candela
dilanti Hues

ORANJESTAD (AAN) – Awe
Corte di Husticia den Promer
Instancia ta cuminsa atrobe cu
casonan penal pa 2016.
DIARIO den su forma unico,
ta presenta e casonan cu
ta tuma lugar den Corte di
Husticia pa tur nos lectornan
pa asina nan keda bon informa
kico ta sosode den Corte.
Den combersacion cu e vocero
di Ministerio Publico, el a
duna di conoce cu awe mainta
tin varios caso di maltrato.
Un di e casonan ta contra e
persona G.C.
ACUSACIONNAN
E acusacionnan cu Fiscal
ta presenta awe mainta den
Corte contra G.C. ta:
Intencionalmente G.C. riba
9 di September 2014 a dal
varios biaha un persona cu
mokete cu forza den cara y
tambe a hinca dede den wowo
di e persona aki.
E otro acusacion contra G.C.
ta cu riba 2 di Maart 2015,
intencionalmente el a cende un
cas na candela. Door di esaki
e candela tabata forma peliger
pa e cas, otro edificionan,
personanan y bestianan.
G.C. tambe ta wordo acusa
di riba 14 di December 2014,
intencionalmente el a dal un
persona cu mokete den su
cara.
E ultimo acusacion contra G.C.
ta cu riba 1 di Januari 2015,
intencionalmente el a kibra
porta di un apartamento.
Ta varios acusacionnan cu
G.C. mester bay responde
p’e den Corte y DIARIO lo
informa lectornan kico tur a
sosode den Corte. Ta asina
cu G.C. no ta encarcela pero
esey no ta nifica cu Fiscal
lo por exigi un castigo di
prison condicional of un
castigo combina esta castigo
condicional cu trabou pa
comunidad.