Page 11 - UTILITIES

Otro luna lo inicia construccion di solar
park na Lago Heights

Posted on 05/4/2017 7:17 pm AST | Updated on 05/4/2017 7:18 pm AST

ORANJESTAD - Utilities Aruba N.V., N.V. ELMAR, WEB Aruba N.V. y Refineria di
Aruba (RdA) N.V. a reuni y yega na acuerdo riba e tema di energia alternativa, asina
Minister di Energia y Medio Ambiente, Ing. Mike de Meza a indica. E proyectonan cu
nan tin ta mustra hopi interesante y muy pronto den careda di fin di e luna aki WEB lo
firma un contract unda cu lo cuminsa cu construccion di un parke di panelnan solar na
Lago Heigts.

E construccion aki lo tuma luga riba e tereno cu antes tabata di Refineria Valero y awo ta
di Refineria di Aruba. Tin 92 mil meter cuadra di cual tin un acuerdo firma diaranzon
ultimo entre Gobierno di Aruba, WEB y RdA pe parti cu ta net na e subida di Lago
Heights Hill banda di Lago Heights Hill park. Aki lo bay bin un solar park, cu ta esun di
mas grandi aworaki na Aruba. E lo ta casi 6 megawatt, cu ta casi 2 biaha mas grandi cu
esun na Aeropuerto, Minister de Meza a remarca. Lo construi e solar park eynan di cual e
construccion lo cuminsa na juni y pa fin di e aña aki, full e construccion di e solar park lo
ta cla y den operacion.

http://www.noticiacla.com/news/9508