Page 12 - MIN TTC 15 MAART 2016

Cas di Cultura Celebrando di 18 maart cu un Souper Sopi
Festival

Tuesday, 15 March 2016 09:59
Comparti

Pa nos dia Nacional di Himno y Bandera, celebrando e lustro maraviyoso di 30 aña di Status Aparte y 40
aña di Himno y Bandera, Cas di Cultura ta invita pueblo di Aruba pa drenta su Cas pa purba y saboria
sopinan eskisito cu a ser aporta pa restaurantnan di Aruba.

E dia publico aki ta forma parti di Cas di Cultura su esfuerso pa recaudo fondo pa su diseño nobo di e
edificio. Banda di nos Souper Sopi Festival cu ta di 10:00 am pa 4:00 pm, tin mas pa brinda publico riba
e dia nacional dinamico aki. Durante dia lo tin show di baile di Hip Hop Aruba, show di teatro di Tayer
Crea y Siña. Lo bay tin dos rifa di premionan atractivo manera joyas, viaje, trip riba boto, buki etc. Lo tin
premionan di Kok Optica, Palm Tours, Rejuvenate Medi Spa, Sams Aruba, Unoca, Le petit Cafe y
Passions on the beach. Diferente stands di artesanonan manera Naomi Landgraf, Annet van Doorm,
Gloria Feliciana, Maira Kong-A Sam, Ana Milena Palmira y Frank Timmen lo demostra talentosa local.
Un silent auction di arte di artistanan local renombra tambe ta forma parti di e dia. E sigiente artistanan
a pone obranan na disposicion di Cas di Cultura como donacion pa recauda fondo: Armando
Goedgedrag, Desiree Sporkslede, Edith Mensonides, Eduardo Valbuena, Efraïm Britten, Elvis Tromp,
Ghiza, Irene Peterson, King Lie Kwie, Michiko Takatsu, Miriam de L’Isle, Mo Mohamed, Nigel Matthew.
E restaurantnan cu tabata generoso pa duna un weya di sopi pa e fabuloso Souper Sopi Festival ta:
Delifrance, Barefoot, Carambola, Casa Tua, D’abaru, Daniel’s Steakhouse, Driftwood, Delimar, Sea Salt,
Aquarius, Taste of Belgium, Universal, Wilhelmina, Coffee 4U y lo tin donacionnan priva di sopinan
crioyo. Tambe lo tin diferente boca dushi y e cushina di D’abaru lo tin nan dushi snacksnan conoci, entre
otro di e bonchi D’abaru y nan dushi kala. Ta bay tin actividad y atraccion pa nos muchanan tambe di
Disney Recreaciones manera dino jump, carousel, face painting, trampoline, cotton candy, raspao y hopi
mas. Pueblo di Aruba ta keda cordialmente invita pa bin disfruta nos dia Nacional mientras ta aporta na
engrandece nos Teatro Nacional.