Page 23 - MIN ARENDS

AWEMainta Diabierna, 6 October 2017 15

Conmemoracion

25 aña tragedia

na Bijlmer

DEN HAAG – Diaranson 4 oktober a conmemora
25 aña cu e tragedia na Bijlmer a tuma lugar, caminda
43 persona a fayece, entre nan diferente Arubiano.
Den cuadro di e conmemoracion aki Stichting Beheer
Het Groeiend Monument a organisa un encuentro
caminda mediante diferente discurso di e.o. e loco-
burgermeester di Amsterdam, sra. Kajsa Ollongren,
Staatssecretaris di Infrastructura y Medio Ambiente,
sra. Sharon Dijksma, y tambe diferente presentacion,
a para keto un rato n’e tragedia cu a tuma lugar 25
aña pasa.

Despues di esaki a sigui un “stille tocht” n’e momu-
mento. Aki nan a menciona nomber di tur e victi-
manan y despues a tene un minuut di silencio. Na
final e diferente invitado, famia y amigonan por a
pone un krans of flor.
Directora di Gabinete di Aruba, sra. Shandra John,
kende tabata presente n’e conmemoracion, den
nomber di Gobierno di Aruba a pone un krans n’e
monumento.
(Potret ta cortesia di Nico van de Ven)

CFT no considera un bishita

awor na St. Maarten, pero

prome cu fin di aña

PHILIPSBURG - E bishita na Corsou dia 4 di
october di Cft, tabata e prome bou di liderazgo di e
Presidente nobo sr. Raymond Gradus.
Entretanto a fortalece Colegio cu yegada di e miembro
nobo na nomber di Corsou, sr. Gregory Damoen.
Cft ta mira atras na un bishita fructifero na Corsou.
P.e., a papia cu Gobernador, Conseho di Ministro,
Ministro di Finansa y e Comision Financiero di Par-
lamento.

Tambe Colegio a papia cu Banco Central di Corsou y
Sint Maarten. Na tal ocasion a discuti tambe e con-
secuencianan di horcan Irma pa economia di Corsou
y Sint Maarten.
Cft ta conbibi cu tur persona cu ta sufriendo e con-
secuencianan di e violencia natural reciente.
Cft no ta considera un bishita na Sint Maarten opor-
tuno n’e momento aki.

“Gobierno ta enfoca aworaki riba ofrecemento di yu-
dansa di emergencia y restauracion di orden publico”,
e Presidente a laga sa.
Posiblemente Cft lo haci un bishita apart na Sint
Maarten na final di e aña aki.