Page 46 - MIN JUS

18 AWEMainta Diaranson, 27 September 2017

Tur Polis tabata riba pia pa eleccion 2017

Cuerpo Policial di Aruba satisfecho cu comportacion di publico

Het Bureau van Communicatie en Voorlichting
Van het Korps Politie Aruba

DIABIERNA den oranan tempran Cuerpo Policial Aruba tabata
riba pia pa loke ta e eleccion 2017. Pa 5’or di mainta a cuminsa cu
mas di 175 Polis riba pia. Na cada districto Polisnan a presenta y a
haya loke tabata nan tarea pa cu e dia sumamente importante aki.

Pa 8’or di mainta tur stemlokaal a habri y e controlnan di Polis a
cuminsa te cu 7’or di anochi ora e urnanan electoral a cera. P’asina
bay over pa cuminsa conta e votonan.
Na tur 62 stemlokaalnan tabatin Polisnan presente p’asina percura
pa tur cos bay na ordo.
Por bisa tambe cu di diahuebs caba cu e ley seco a bay na vigor
Polisnan a controla diferente lokalidadnan y na unda a bay over
ariba mes un dia pa cera 4 di nan.

Cuerpo Policial Aruba tabatin su Comando Kamer na unda tur
cos tabata wordo monitoria for di mainta trempan te cu diasabra
marduga. Por a mira patrouillenan di Polis controlando ful rond di
Aruba y por bisa cu nos di Cuerpo Policial Aruba ta satisfecho pa
loke tabata e comportacion di pueblo durante y ora e ultimo resul-
tado den oranan di madruga a drenta.
Tabata cosnan chikito cu a presenta pero nada cu por a sali for di
man. Loke ta trata Lik op Stuk (Faya Bo Haya) a bay hopi bon sin
niun detencion. Comunidad di Aruba a comporta su mes relativa-
mente bon pa un momento importante pa pais Aruba.

Diadomingo un biaha mas Polis a sa di dirigi e parada di e partido
MEP cu a sali for di YMCA San Nicolas pa 12:20 di merdia y a
finalisa na cede di MEP Santa Cruz. Cuerpo Policial a percura p’e
orden publico durante y despues di e parada.

Un danki ta bay na nos Polisnan cu a traha oranan largo, e team di
Conseho Supremo Electoral hunto cu Sharine Luydens Directora
di Censo y tambe staff di Censo pa cu e bon trabao y cooperacion.