Page 4 - MIN JUS 17 OCT 2015

6 AWEMainta Diasabra, 17 Oktober 2015

Un siman di training varia cu experto di Belgica E TEAM di K9 di Cuerpo Policial a train pa un siman

Polis di K9, Maritimo intensivamente cu un experto di Belgica, kende a wordo
y Kustwacht cu invita pa traha cu e Polis y nan cachonan riba tur tipo
di intervencion cu nan ta of por topa cune den nan
entrenamento riba rif trabao diario.

Esaki tabata pa un parti un ripiticion di trainingnan cu
sea nan a haci caba of ta haci regularmente, y pa un otro
parti e tabata informacion, metodonan y sistemanan
nobo.
E instructor, Dirk Lemmens, actualmente ta traha cu
Belgische Spoorwegen como supervisor, coach y trainer
di e brigada di cacho.
Un di su tareanan principal na Aruba tabata pa traha cu
Polis pa nan cachonan ta mas social, particularmente
pa cu nan trabao ora di temporadanan druk manera
Carnaval y eventonan grandi, unda cu nan ta move
entre hopi hende.

Entre e trainingnan tabatin un sesion n’e ex-John F.
Kennedy School, un bishita cu demostracionnan na
Centro Traimerdia Sonrisa, maneho di transportacion
di presonan dificil y training riba rif.
Entre otro a conta cu colaboracion y participacion di e
diferente partnernan di K9, manera Kustwacht Dutch
Caribbean, Team Explosievenverkenners y Cuerpo
Especial Arubano (CEA).

Na final di e curso e miembronan di K9 cu a participa,
esta Raymond Lacle, Nehomar Croes, Dean Nicholson,
Dayton Phillip, Vianney Coffie, François Robles de
Medina, Richard Kramers (coordinador K9 Unit) y
Jessica Texeira, a ricibi nan certificado di participacion.

Durante di e training riba rif, Richard Kramers a splica
cu esaki ta un ehercicio cu ta wordo haci dos pa tres
biaha pa aña hunto cu Kustwacht y Maritieme Politie
p’asina nan ta prepara pa cualkier incidente. Nan a
haci un simulacro di un “aanhoudingsprocedure” di
un persona peligroso cu ta scondi riba rif.

E ta un training importante como cu Cuerpo Policial
sa haya melding di presencia di personan cu ta
posiblemente ilegal y di atracadornan cu por ta scondi
riba rif. E intencion di e training aki ta tambe pa prepara
pa si acaso mester haci uzo di e cachonan, pa tur hende
ta prepara pa cu e procedura di nan transportacion p’e
rif y tambe con e situacion lo ta ora nan ta riba e rif.
Nada mester ta straño ni pa K9, ni pa nan partnernan
si un incidente riba rif presenta.