Page 13 - Minister Mike De Meza

A4
LOCALDiaranson 16 September
Controversia serio den AVP?
Otmar Oduber birando demasiado
popular...
A pesar di cu miembronan di e partido berde mes
lo desmenti esaki di tur manera y den tur tono,
tin algun cos cu no ta cuadra den e contradiccion
reciente cu a surgi a base di e interes’ repentino di grandi ta e corelacion di forsa den partido AVP,
un compania petrolero pa e refineria.
Confronta cu scoge entre un refineria y un hotel
a bay ten a Hulanda pa busca conseho cerca es-
unnan cu un aña pasa tabata igual na diablo, y
aparentemente lo bin un comision di experto pa
studia cos cu mester a studia añanan atras caba.
En todo caso, Ministro Oduber a rabia y e doño
di e Proyecto di hotel tambe. A bisa bon cla: re-
fineria o hotel, no tur dos pareu.
Kico ta e cosnan cu no ta cuadra anto?
1. Unda Valero a keda? Doño di e refineria
mes ta estableci na San Antonio, y aparentemen-
te no ta envolvi den nada. Straño. Ministro de
Meza ta bay Houston, Texas, pa papia cu e can-
didato, Citgo, y no ta probecha e oportunidad pa
bay San Antonio, Texas pa papia cu e doño? Of
el a bay pero no kier pa publico sa esey? Grave.
2. Di tur e tempo cu Valero tabata nego-
cia, di aña pasa te algun luna pasa cu Citgo y
PDVSA tocante compra di Citgo pa Valero, nan
na ningun momento por a yega na papia tocante
e refineria na Aruba? Ta Mike Eman pa casua-
lidad a topa cu un diplomatico Venezolano anto
diripiente tur cos a cuminsa lora? Den e mundo
di fantasia di premier Eman talbes cos ta bay asi-
na, pero den e mundo real cu nos ta biba aden, no.
3. Valero tabata prepara caba pa e desman-
telacion di e refineria, pues nan no a haya te
awe ainda ningun oferta di ningun banda. Awor
aki nan no ta negocia, ta solamente e peticion di
gobierno di Aruba tin e proceso para. Valero no
ta preocupa pasobra ta esun cu e mester entrega e
tereno fin di aña sin refineria ta esun cu ta pidi
pa no haci pura cu desmantela. Nan tin tur pa-
senshi anto.
4. Con por papia di Citgo como candidato
serio. Nan a tuma asina hopi debe riba number
di e compania pa duna PDVSA y gobierno di Ve-
nezuela como dividend, cu ta bira dificil pa nan
haya placa fia pa cumpra y renoba e refineria na
Aruba. Esey no kier men cu nan no tin interes at
all. Pero e interes ta e mesun interes di PDVSA
na fin 2013 ora nan tabata kier pa Valero start
up e refineria pa procesa crudo pisa pa produci
nafta, cu nan mester na Venezuela. Pa esey no
mester renoba e refineria, ta djis uza un parti
manera cu e ta, pero pa un tempo cortico.
Pakico anto awor ainda trece e tema di refineria
bek den wega? E problema no ta e refineria, pa e
simpel motibo cu su sobrevivencia no ta depende
di boluntad politico. Loke si ta hunga un papel
unda ministro Oduber ta ganando tereno riba su
rivalnan.
Pa cuminsa e ta na timon di e unico pilar eco-
nomico, esta turismo. E refineria lo no t’ey mas
y premier Eman su intentonan pa crea un Green
Gateway, etc. a fracasa miserablemente. Minis-
tro de Meza a bira invisibel den e di dos periodo
aki di gobernacion, despues cu e mester a entrega
e cartera di Financia cu e no por a maneha y ta
keda marca pa semper como e arkitecto di e fra-
caso financiero di e gabinete.
E solo hecho cu na su salida como responsabel
di financia henter su team mester a Sali paso-
bra Juan David Yrausquin no kier a traha cu
nan, ta papia pa su mes. Cu excepcion di Angel
Bermudez, Juan David a opta pa bay traha cu e
ambtenaarnan responsabel, loke ta di elogia. Un
tempo e tabata actua ainda como un sorto di ‘self
appointed governor of San Nicolas’, pero ni esey
e no ta haci mas. Esun cu tin plan pa San Nico-
las ta ministro Oduber.
E ta aspira haci algo grandi cu turismo den
Sero Colorado, aunke e escala riba cual esaki ta
proyecta no ta tur hende ta di acuerdo cun’e. Pero
e ta e unico cu ta papia di un plan pa centro di
San Nicolas, cual ta encera entre otro e plan pa e
museonan eynan.
Aparentemente su omni presencia den goberna-
cion a cuminsa molestia e otronan y kico miho
anto cu frena su plannan haciendo buya riba un
supuesto reapertura di e refineria? E punto no ta
tanto cu e reapertura ta para e desaroyo di e hotel
na Sero Colorado, pero ta para e plannan pa e
centro di San Nicolas.
Ademas, e pregunta grandi ta si a 2017 Mike
Eman ta step down pa traha luga pa otro den top
di partido. En todo caso, na e momento aki un
stop na e plannan di Otmar Oduber ta conveni-
ente pa e duo Mike & Mike, cu ta den desbentaha
grandi awor pasobra nan niun di dos tin tanto pa
mustra na trabao efectivo.
Hasta e asunto di parkeer ta orkesta den su may-
oria pa ministro Oduber. Time will tell con e lu-
cha interno aki ta bay sigui.