Page 50 - MIN JUS

Durante e siman cu a pasa representantenan di Niagara College tabata na
Aruba pa promove un opcion mas pa studiantenan sigui nan educacion superior.
Hunto cu esaki Ministerio di Enseñansa a haci uzo di e oportunidad y a crea un
programa completo di informacion. E programa a inclui bishita na diferente
scolnan rond di Aruba y a termina cu un anochi informativo pa publico en
general.

“Nos ta hopi contento cu nos tin di bishita representantenan di Niagara College,
cu awor ta un partner formal di Aruba mirando cu nos a caba di firma un
acuerdo. Minister di Enseñansa a firma un acuerdo pa un scholarship special pa
studiantenan di Aruba por bay studia na Niagara College”, asina James van der
Linden di Ministerio di Enseñansa a amplia. El a splica cu Niagara College ta e
di 4 instituto Canades cu Aruba ta cera un acuerdo formal cun’e. E acuerdo ta
encera incentivonan special, den e caso aki, un scholarship cu por haci
studiamento na Canada mas accesibel y mas pagabel.

“Nos ta hopi contento cu e acuerdo y nos ta hopi contento cu nan a bin Aruba
pa formalisa e acuerdo. Nos a haci mesora un bon uzo di e oportunidad cu nan
ta na Aruba pa asina traha un programa completo caminda cu nos a bishita
scolnan. Tambe tabata tin diferente reunionnan cu diferente instancia pa wak
con nos por expande e colaboracion. Awe nochi nos a finalisa e dia cu un sesion
informativo pa publico habri pa mayornan, studiantenan y educadornan cu ta
interesa di haya mas di e scol aki”, el a informa.

James van der Linden a sigui bisa cu nan ta hopi contento cu e publico cu a
acudi. “Tabata tin hopi pregunta y tambe bo ta mira e interes ta creciendo mas
y mas pa e opcion di Canada, cu ta resulta hopi bon pa esunnan cu opta pa
studia uzando e idioma Ingles”.

Por nota cu e studiantenan tin hopi afinidad cu e idioma Ingles, o sea, Merca of
Canada… “pero Canada compara cu Merca awor akinan ta hopi mas pagabel. Cu
e acuerdonan e ta birando ainda mas economico, asina ta nos ta hopi contento
cu esey. E intencion claro ta pa sigui expande e acuerdonan y di expande e