Page 64 - MIN JUS

cai bao Reino hulandes, ta sigui tur loke ta sosode pa loke ta e parti di desaroyo medico
cu ta tuma luga na Hulanda. Actualmente e tratamento aki no ta ser cumbri den
Hulanda, pesey ta sigui e liñea ey cu ta haci cu AZV no por cubrie. Pesey Sra. Lin a
haya un contesta negativo di AZV.

Conseho Medico

Otro forma cu AZV ta traha cune, ta pidi conseho of recomendacionnan medico na
diferente dokter cu tin colaboracion cu nan na Hulanda y otro clinicanan cu ta traha cu
nan tanto na Corsow como Colombia. Tin caso cu e comision di AZV ta manda historia
medico di e pashent pa un dokter na Hulanda y nan ta duna conseho riba e historia. No
ta necesario cu e dokternan mester wak e pashent. Fuera di esaki e comision aki tambe
por pidi conseho na dokternan den exterior pa asina formula un miho decision. Sra.
Tchong ta sigui bisa cu diariamento AZV, ta haye cu e tipo di peticionnan aki cu sigur
no ta nada benificioso pa e pashent. Pero esaki no ta AZV so pero hopi seguro medico
rond mundo ta pasa den esaki. AZV ta mara na e cuadro cu e ley ta duna y mester
mara su mes na e exigencianan aki. Den e caso aki pa awor riba tratamento di Stem
Cell e ta uno experimental pesey no por a duna un aprobacion.

Malesa Cronico y cuido di AZV

E malesa di pulmon COPD di Sra. Lin cu ta papiando di dje ta uno cronico. Un malesa
cu lo bai keda semper serca dje no por kite y no por cure. Loke si Sra. Lin tin derecho
riba dje ta e cuido, tanten cu ta keda haci uso di AZV. Pa loke ta e tanki di oxigeno, AZV
a keda di bai tuma contacto cu e specialista di pulmon pa wak kico ta e situacion actual.
Por lo pronto AZV no por yuda Sra. Lin den su situacion pero solamente cumpli cu su
tratamento medico cu tin den e pakete cu e tin derecho riba dje segun Sra. Tchong.