Page 31 - DESPA 8 APRIL 2016

atencion ariba nos salud.

Minister Alex Schwengle: Diabetes ta un peso pa nos
comunidad

Thursday, 07 April 2016 20:35
Comparti

Dia Mundial di Salud ta dia 7 di April, e aña aki a enfoca riba un estilo di bida saludabel pero cu enfasisi
riba prevencion di Diabetes. Stop Diabetes, concientisa mucha, hoben y adulto awe pa por cosecha
genracionnan mas saludabel den futuro.
E proyecto di Scolnan Saludabel ta pa forma nos futuro saludabel, pa nos chikitonan siña for di awor
caba kico ta biba saludabel. Pa stimula e mayornan pa sigui e caminda ey. Pero tambe mester tene e
realidad den mente y e realidad ta cu tin un explosion grandi di obesidad cu consecuentemente a genera
un epidemia di Diabetes. Hunto cu esaki hopi pashent tin presion halto, hopi ta sufri di diabetes y e peso
financiero ta hopi grandi pa e henter e area di salud y specialmente pa AZV, entre otro. Pero pa e persona
mes, ora cu e tin e sucu, ta importante pa e pashent sa cu Diabetes ta afecta tur e organismo, bista ta bay
atras, riñon ta bay atras, ta perde poco poco gevoel di man y pia. E hecho di ta of bira diabetico ta haci bo
bida menos agradabel y ta duna limitacion.