Page 4 - LOTTO

Lotto ta felicita tri-atleta Renze Postma cu su triunfo den e 31
edicion di e Aruba International Triathlon

Tuesday, 27 June 2017 09:46
Comparti

Diadomingo ultimo nos dushi isla di Aruba tabata anfitrion di un otro evento deportivo internacional cu
e di 31 edicion di e Aruba International Triathlon 2017. Mester bisa cu e elenco di atleta tabata grandi
unda varios tri-atleta di principalmente Venezuela a bin competi contra di nos propio tri-atletanan.

E anja aki sigur e competencia no tabata uno facil mirando e biento duro y e tempo cu tabata bastante
calor. No obstante di esaki, nos tri-atleta elite Renze Postma no a laga ningun duda cu actualmente e ta e
miho tri- atleta na Aruba ora e ta supera lo demas competidornan cu casi 10 minut di diferencia. E atleta
Postma merecidamente ta gana di 31 edicion di e Aruba International Triathlon. E tres bes Atleta di Aña
Local di Aruba ta supera su tempo di aña pasa cu casi cinco min. Aña pasa Postma a finalisa den 2.02.09,
mientras e aña aki e atleta Renze Postma ta yega den un tempo di 1.57 34. For di comienso te final, Renze
a domina e careda unda den landamento e la supera su contrincantenan riba un distancia basta leu, sigui
pa e careda di bicicleta unda tabata dificil pa matene e ritmo halto di e atleta Postma.

Por ultimo Renze a pusha duro den e coremento na pia y asina finalisa su careda cu exito. Lotto ta manda
un palabra di pabien na e tri-atleta Arubano, Renze Postma cu su triunfo den e Aruba International
Triathlon 2017. Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes momento inverti den
deporte local pa medio di donacionnan na e Comision di Subsidio.