Page 62 - HOSPITAAL
P. 62
Oduber: Proceso pa nombra director
nobo di AZV tabata largo
Posted on 06/7/2018 4:07 pm AST | Updated on 06/7/2018 4:11 pm AST
ORANJESTAD – Cu nombracion di Ruben Goedhoop como director nobo di AZV,
ta termina un proceso largo pa por a logra e mihor persona pa e trabou. Mientras
cu e mandatario encarga cu AZV Dangui Oduber ta papia di un lista di 3 candidato
di cual a saca Goedhoop, NoticiaCla por confirma cu tabatin un lista inicial di por lo
menos 15 persona, cu despues di algun luna, a keda reduci na un asina yama ‘short
list’ di 3 persona di cual finalmente a keda dos. A tene varios reunion cu e
candidatonan prome cu a yega asina leu pa nombra e director nobo, NoticiaCla a
compronde.
UN CANDIDATO
Finalmente e hunta di comisario a presenta un candidato cu nan a kere ta esun y gobierno
mesora a bay di acuerdo cune. “E tabata e candidato cu nos tabata busca, cu a cumpli cu
tur e exigencianan, e profil cu nos tabata buscando. E ta un profesional y tin e capacidad
y dinamismo pa trece cambio cu nos ta desea den e maneho di AZV” Dangui Oduber a
