Page 73 - HOSPITAAL

Sinembargo, manera cu minister di Salud Publico, Dangui Oduber a expresa durante di

rueda di prensa di gobierno, den practica a demostra cu e interes pa e no tabata asina

grandi, mirando cu e ta un funcion cu ta trece hopi respondabilidad cun’e. Ta un funcion

cu tin hopi presion tambe di comunidad di Aruba. E no tabata un proceso facil. E tabata

un proceso habri, transparente, caminda cu tur hende a haya e oportunidad igual pa

solicita.

A cuminsa cu un procedura di open sollicitatie, pa esnan cu tabata tin interes di bira

director di AZV, a haya e posibilidad y oportunidad pa solicita. E hunta di comisario

consecuentemente di AZV a repasa tur esnan cu a solicita pa e funcion aki. Nan a traha

prome un lista largo. E lista largo aki nan a repasa tur e personanan cu den nan opinion

tin e capacidad y ta cumpli cu e exigencianan pa por bira director. Di e list largo aki nan a

traha un lista cortico, “short list”. Nan a entrevista tur esnan cu nan a considera na e

momentonan ey den e short list, cua ta e candidatonan mas ideal pa ocupa e funcion di
director di AZV. Den e short list aki a keda tres persona. A entrevista e tres personanan

aki no solamente pa e hunta di comisario di AZV, sino tambe pa un compania cu AZV a

contrata, pa hunto cu nan ta encamina e proceso pa busca un director nobo. E tres

personanan aki a pasa den tur e procesonan aki. Consecuentemente e hunta di comisario a

presenta un candidato.

E candidato cu a keda anuncia, a bira e proximo director di AZV. E ta carga e aprobacion

di hunt di comisario di AZV, e ta carga aprobacion di minister di salubridad,

DanguiOduber, y tambe di prome minister di Aruba. Na momento cu hunta di comisario

a trece e persona aki dilanti como un proposicion na minister di salubridad, mesora a bay

di acuerdo cu esaki, pasobra e ta e candidato cu nan tabata busca, a cumpli cu tur

exigencia a cumpli cu e profiel cu nan tabata buscando. E ta un profesional y tin e