Page 101 - MIN VOS - MAY 28,2015

Michelle Harms: “Participantenan por haya 18 punto di
acreditacion pa nan registracion di BIG

Wednesday, 27 May 2015 19:02
Comparti

Dialuna, diamars y diaranson otro siman Aruba ta anfitrion di e prome Health Care Conference Aruba,
cual tin como meta pa logra yega na un miho cooperacion riba tereno di Salubridad cu mester resulta den
un control di e gastonan di AZV, e seguro medico general cu ta vigente na Aruba desde prome di januari
2001.

Mientras cu profesionalnan den e ramo ta den reunionnan di consulta e prome tres dianan di e siman di
e Conferencia, den fin di siman pueblo por bishita e Expo Salud cu ta tuma luga den Renaissance
Convention unda lo tin rond di 50 booth cu tur loke cu tin di haber cu Salud. “Nos ta spera cu
pueblo acudi tambe na e Siman di Salud, logrando participacion di pueblo den loke tin di haber cu nan
salud,” Minister Alex Schwengle a splica durante un conferencia di prensa riba e tema aki.

E conferencia aki ta uno hopi profundo, Michelle Harms (Marketing Director di Health Care Conference
Aruba), a bisa. E programa ta cuminsa oficialmente cu un recepcion dia 31 di mei cu un fiesta di gala na
beneficio di Cruz Cora y un silent auction cu obranan di artistanan local. Riba e prome dia di e
conferencia e tema ta: “Health care system in small communities” (den region di Caribe). E mainta aki lo
conta cu presencia di e Ministernan di Salubridad di henter Reino Hulandes. Tanto PAHO como Banco
Mundial lo duna un presentacion riba e tema ariba menciona, mientras cu e orador principal ta Dr. M.
Joycelyn Elders. Den oranan di mainta tin presentacionnan y den oranan di merdia e gruponan lo wordo
parti den tres pa discuti e tema principal. Cada un lo presenta un documento cu ta wordo discuti door di
sala completo na final. Esaki ta e sistema cu ta wordo uza tur tres dia.

Riba e di dos dia e tema ta “From production driven to quality driven health care”. Moderador di e
mainta aki ta Prof. dr. Stanley Duits di Universidad di Groningen . Profesionalnan cu lo duna nan punto
di bista ta Philip J. Idenburg MSc MBA, representando Be Bright Foundation; Derek Haas di Harvard
Business School”; Theo Poiesz, di Business School di Universidad di Tilburg.

E conferencia ta wordo cera cu e tema: “From compartmentalized to integrated care” (holistic care). Earl
Best di Sint Maarten ta bay ta e moderador y esnan cu lo duna un presentacion ta Theo Poiesz y Stanley
Lalta, BSc MPhil MSc PhD di West Indies University.

4 di juni ta reserva pa e ultimo combersacion di e Ministernan y firmamento di e diferente MoU-nan
(Memorandum of Understanding) cu lo keda firma como resultado di e conferencia aki.

E mandatarionan di Reino Hulandes ta cuminsa cu nan reunionnan for di prome di juni caba,
probechando di e presencia di Minister Hulandes sra. Edith Schippers.

Tur profesional di Salubridad cu participa den e conferencia aki lo haya 6 punto di acreditacion pa cada