Page 11 - MIN TTC 12 APRIL 2016

Minister Oduber Traha riba un plan pa aumenta e cantidad
di placa cu turistanan ta laga atras

Monday, 11 April 2016 19:03
Tweet
Comparti

Dialuna y Diamars ta tuma luga reunionnan cu un gran cantidad di stakeholders pa locual ta
trata e sector turistico. Dialuna Minister Oduber a reuni cu entre otro A.T.A., Centrale Bank
van Aruba, Camara di Comercio, restaurantnan, ATIA, A.H.A.T.A., San Nicolas Business
Association, ATSA, A.P.A. y Aruba Luxury Retail Association.

Tur presente a ricibi un presentacion di ATA riba unda Aruba ta na e momentonan aki atraves
di algun encuesta haci entre nos bishitantenan. E preguntanan tabata varia riba entre otro
acomodacionnan, comportacion di e turista pa cu su escogencia di hospedahe, riba e forma cu
e turista ta gasta su placa, unda e ta sinti cu e no ta haya e balor pa e placa cu e ta paga pa bin
Aruba y tabata tin un otro preguntanan dirigi riba e turista mas afluente ilustrando asina cu e
maneho cu ATA ta hibando pa locual ta e enfoke di e mercado aki di continente Mericano cual
a proba di duna bon resultado. Durante e reunion a presenta tambe ta 6 punto of motibonan cu
ta frena e turista pa gasta nan placa riba nos isla. Number un riba e lista aki tabata hopi cla cual
ta e servicio cu ta wordo brinda.

A brinda e oportunidad na tur presente pa ventila, den un forma hopi habri y sincero, kico nan
ta sinti cu mester tuma luga pa haci e diferencia cu lo contribui na diferente posibilidadnan pa
aumenta e cantidad di placa cu turistanan ta gasta na nos isla.
Minister Oduber ta indica cu a nota cu cada hende ta traha hopi enfocando riba nan propio
beneficio enbes di enfoca mas riba con hunto por yega na miho resultado. "Turisticamente e
maneho cu ta hibando pa atrae e turista afluente pa Aruba ta conforme e producto cu nos ta
ofrece, pero na mes momento por bisa tambe cu nos ta laga hopi oportunidadnan bay perdi y
cu lo por logra cu e turista ta gasta mas placa riba nos isla."
Despues di un discusion di mas of menos 2 ora, cu hopi ideanan y posibilidadnan cu tin, a yega
na un conclusion cu mester crea un plataforma pa reuni continuamente, pa den un forma
nacional sigui traha na bienestar di nos pilar economico.
E sesion aki ta continua diamars unda lo sinta cu un otro grupo cu directamente ta topa cu nos
turistanan manera tour operators, taxi etc. E sesion lo tin como meta pa crea un plataforma cu
lo tin como tarea pa impulsa, conscientisa y incentiva henter e industria pa brinda ainda mas e
miho di nos pa e turista cu ta bishita nos gasta mas pasobra e tin e forma pa gasta mas.
Minister Oduber ta splica cu na e momentonan aki nos no ta probechando di tur e
oportunidadnan brinda na nos.