Page 10 - AM230718

10 COMUNIDAD AWEMainta Diamars, 18 Juli 2023

DMH ampliando conocemento di Codigo di

Proteccion cerca e organisadonan di vakantiekamp

ecientemente Departamento di Mucha y Hoben (DMH), den persona
Rdi Jullie-Ann Thode, tabata invita pa duna presentacion na e activi-

dad di ‘Sociale Veiligheid Training, organisa pa ATHA. Meta di e presenta-
cion aki tabata pa brinda e oportunidad pa ofrece informacion y activa e
conocemento di e ley: Codigo di Proteccion, na diferente organisacion y/
of profesional/boluntario, cu ta percura pa un actividad den e temporada

di vakantie. Codigo di Proteccion ta un plan di 5 paso pa atende for di mo-
mento cu tin sospecho di abuso di mucha, pues den un acercamento pre-
ventivo.

Durante e mainta aki, Jullie-Ann a percura pa e diferente lidernan di e
vakantiekamp, haci pregunta como tambe comparti experiencia y/of cono-
cemento tocante e tematica di sospecho di abuso di mucha. Jullie-Ann a
ofrece tambe varios tipnan practico, tocante con por señala esaki y con

nan por acerca e mayornan y of esnan encarga cu e cuido di mucha, na
momento cu tin preocupacion. A brinda informacion tocante unda nan por

bay of yama, pa haya conseho y/of sosten.

Na un forma interactivo pa medio di diferente
ponencia, a percura pa e lidernan ta stimula

pa tuma accion y con mester atende cu dife-
rente tipo di caso, cu por presenta durante e
vakantiekamp. Ta trata di varios organisacion
cu sigur ta atende un cantidad grandi di mucha

di 0-18 aña, manera; Scouting Aruba, YMCA
Aruba, Stichting Tiponi Kinderopvang, ATHA,
Stichting Kids Creation Center, Centro di Bario,
Centro di mi Curazon, Sonrisa Aruba, Scol

Musica Rufo Wever, Arubaanse Muziek School,
Ivan Quandus, Carlos Bislip, Sha Foundation,
Fundacion Famia Piedra Plat, Don Bosco Club
Noord, Heart-Leadership Foundacion, FAVI,

Stichting Casa Cuna Progeso- SCCP, Centro
Familiar Sabana Basora y Het Arubaanse
Padvindster Gilde.

Finalmente DMH ta gradici ATHA pa e oportun-
idad pa asina informa debidamente tocante e
ley di Codigo di Proteccion, cu ta forma di traha
uniforme y riba nivel nacional cu sospecho di

abuso di mucha y cu ta poni den nos Burgelijk
Wetboek 1. E mainta aki sigur ta uno suma-
mente exitoso, mirando cu a pesar ta trata di
un tema delicado y sensitivo, e participacion

di esunnan presenta tabata uno hopi activo y
relevante.