Page 29 - MIN JUS

AWEMainta Diamars, 5 September 2017 5

E animo pa parada politico ta halto VARIOS t’e partidonan politico cu a haci peticion pa

No ta permiti parada di organisa nan parada politico, riba e diadomingo prome
cu dia di eleccion, esta pa dia 17 di september.
dos partido riba mesun dia Pero no por duna nan tur permiso, y lo otorga un solo
permiso. Kier men, por ta compara cu ultimo eleccion,
Di acuerdo cu Hefe di Districto di Santa Cruz, Adrick Croes lo no permiti dos parada pa dos diferente partido riba
mesun dia.

Segun e Hefe di Districto di Santa Cruz, Adrick Croes,
kende ta encarga cu tur peticion, cu actualmente ta anal-
isando tur peticion cu a drenta. Lo no duna mas cu un
permiso pa partido. Cada partido lo tin nan localidad di
preferencia, pero finalmente ta Cuerpo Policial lo tuma
su decision, unda su departamento di Trafico y Planologie
lo duna nan conseho.

E aña aki, Cuerpo Policial ta pidi p’e partidonan tene bon
cuenta cu e rutanan cu nan kier core, debi cu tin varios
proyecto di infrastuctura grandi ta tumando lagar, manera
e.o. Green Corridor, Watty Vos Boulevard, pa no lubida
e diferente rotondenan cu ta bao di construccion.
Lo no permiti pa trafico keda obstaculisa na un solo sitio,
pesey mes, ya tin decision, cu no por permiti pa dos parada
politico wordo organisa riba un solo dia, Inspector Adrick
Croes a laga sa.

MES LIñA DI MANEHO
Di acuerdo cu e Hefe di Districto di Santa Cruz, lo man-
tene mesun liña di maneho cu 4 aña pasa. Riba e ultimo
diadomingo prome cu eleccion, semper e partido na
mando, den e caso aki AVP lo tin e permiso pa organisa
un parada di auto.
Demas partidonan por solicita pa cualkier otro fecha
prome cu esaki.

CONFRONTACION
Manera ya menciona, cu lo no por permiti dos partido tin
nan parada riba un solo dia. Polis kier evita cu siguidornan
di e partidonan lo por topa otro riba e ruta. Esey semper
tabata y ta e punto di salida di Polis.
Pa loke t’e puntonan di riesgo, eseynan ta mas o menos
conoci caba y asina mes, Polis ta cla pa cualkier eventu-
alidad y ta prepara pa tuma e medidanan necesario segun
Adrick Croes.

Sigur alcohol tin su influencia grandi durante campaña.
Polis sigur lo trata di mustra cada partido pa splica nan
siguidornan pa sa di comporta nan mes debidamente, pa
despues no tin mester di lamenta cualkier confrontacion.

Mira kico a pasa algun dia pasa na Sta. Cruz unda a surgi
por poco un confrontacion grandi entre AVP y MEP, y
ta danki na un reaccion rapido di Polis, esaki a keda na
unicamente un discusion verbal.
Polis di tur skina di Aruba a acudi na rotonde di Santa
Cruz pa planta ordo, y asina a evita lo peor.

PARADA DI VICTORIA
P’e parada di victoria, permiso ta bay p’e partido cu gana
eleccion. Si no tin ganador, p.e. tin empate na prome
lugar, ta pensa di duna cada partido un diadomingo, y lot
lo dicidi cua lo bay prome.