Page 64 - MIN JUS

Varios unidad a mobilisa pa e area di Noord y durante e proceso a topa cu e auto tambe

riba e caminda banda di 080. E auto cu a mira polis su tras, a desvia mesora. Tabata tin

tres persona den e auto. Nan a lora bay su tras y a cuminsa cu un persecusion den Alto

Vista. Dado momento polis a perde auto for di bista. Pero un habitante atento a notifica

polis cu el a mira un auto para riba un distancia y e hendenan a baha core bay den cierto

direccion. Y polisnan, segun e melding, a rondona e area en busca di e

atracador/ladronnan. A resulta cu no tabata un atraco, sino ladronicia den cas. Nan a mira
cu nan a sali cu maletanan yen di cos y a bati alarma. Polis no a sosega. Despues di a

rondona e area, a cuminsa cu un buskeda masal rond den e area di Sabana Liber y Alto

Vista. Y banda di Motin a lora bay aden direccion Sabana Liber, caminda cu a laga e auto

atras. E buskeda a dura basta largo, casi un ora, pero el a duna fruto. Habitantenan tambe

a cuminsa notifica autoridad loke tabata hendenan straño den nan vecindario.

Informacionnan manda via radio durante noticiero tambe a yuda pa e personal,

habitantenan keda mas atento den e area y esey tambe a duna e resultado cu awe dos di e

sospechosonan a keda deteni. Nan kier a hasta drenta den un cas pa sconde, pero esaki no

a dura hopi pasobra polisnan a yega riba nan na cantidad y ta detene e prome y despues a

haya e otro tambe scondi, bao di un auto. Tur dos a wordo hiba warda. Falta uno. E auto a

keda confisca. Na e cas a presenta recherche y cuerpo tecnico. E cas mes no tabata na

Saliña Cerca, manera na prome instante, sino un cas na Bakval. Sigur un bon trabao di

Cuerpo Policial, diferente team, K-9, polisnan uniforma, polis di diferente departamento,

flexteam, tur a hunga un rol importante, pa awe e dos prome criminalnan aki ta tras di

tralie, pendiente pa un di tres cu ainda tin cu wordo deteni. Un pabien na Cuerpo Policial.