Page 8 - MIN JUS

saca e mucha cu a nace aki cu nos mes a daña, pafo. Cada bes cu e sali, e ta bay horta.

Pesey tin un ley awor aki cu ta bayendo Staten. Ta spera cu lo trat’e ainda prome cu

elecion. Un ley cu ta bay trece hopi discusion. Esaki ta un ley caminda cu entre otro ta

duna e minister di husticia e posibilidad pa interveni te hasta den educacion di un yiu.

Goberna ta nifica cu bo ta haci cu loke bo tin. Ta mescos cu un bon mayor. E ta lanta su

yiunan, cu e poco cu e tin, lanta un yiu drechi. Asina un bon politico tambe ta funciona.

Minister Dowers a sigui splica cu ta trahando riba algo cu lo por trece 10 miyon extra pa

Gobierno pa aña. A papia cu su colega di financien y ta practicamente asina leu cu por

haya esaki extra. Loke cu tin cu realisa ta cu hustamente e placa extra den un fondo, esey

ta yuda. Tin momento den presupuesto di Gobierno, tur cos ta determina. Si tin 1000

polis, tin cu paga 1000 polis. No por bisa cu auto a daña y ta coy salario di un polis pag’e.

Si tin fondo adicional, cual tabata tin den e ultimo añanan, e coleganan a coopera loyal,

pa por a mantene e fondonan ey tambe pa husticia. Awor aki tin por ehempel tin e

plataforma di siguridad, 500 mil florin for di FDA cu a termina, specificamente pa e

plataforma aki bay funciona den un forma optimal. Tin mas fondo tambe den esun di
criminalidad, e mandatario a finalisa.