Page 47 - FUNDASHON LOTTO PA DEPORTE

Minister Dangui Oduber a bisa tambe cu Taekwondo ta un di e deportenan na Aruba cu
mas ta destacando na e momentonan aki, mirando cu nos atleta a clasifica pa CAC.

Presidente di Aruba Taekwondo Bond Dr. Guaicaipuro Jimenez a hiba palabra y a gradici
e scolnan pa nan participacion na e campeonato nacional Himno y Bandera.

Sr. Presidente a presenta e unico atleta cu Aruba tin cu ta preparando pa e
campeonatonan internacional di Para Taekwondo cu e focus ariba 2020.

Na final Dr. Guaicaipuro Jimenez a gradici tur esnan presente pa nan apoyo y nan
sosten na Taekwondo y cu awe por mira atras ariba un Taekwondo cu a crece masha
hopi mes aki na Aruba, mirando cu dos scol mas a habri nan portanan y ta haci cu awo
por conta cu mas participacion na nos eventonan di Taekwondo.

Jewell Illidge, Myron Adams, She-Cutie Hernandez, Nassip Bislip, Sara Chirino, Záhyon
Klabér, Laura Croes y Niels Stock a sali best fighter na e Campeonato Nacional Himno y
Bandera.

E hobencita She-Cutie Hernandez a haci su debut na December pa prome biaha y awe
nos por wak un hobencita cu apesar cu e tin poco tempo ta train, ya caba ta sali best
fighter pa di dos biaha. Un premio sigur merecido pa su capacidad.

Myron Adams ta un atleta cu ta bay bin, pero e ta haci un diferencia y ta ariba e
siguiente nivel caba. Nassip Bislip ta lucha entre tur e bonnan cu tin den e categoria di
Cadet, pero e biaha aki Nassip Bislip a bin ta gana tur 3 contrincante den 3 diferente
poule. Un premio sigur na su luga. ARTBO ta masha contento cu tur e resultadonan di e
best fighternan cu a wordo escogi pa e team di arbitrahe cu a haci un tremendo trabou
y cu a guia e evento completo pa despues saca nan best fighternan.