Page 46 - MIN ECEM

Ta netamente AVP a bin cu BAZV, nan a hisa edad di pensioen. Hasta den
programa Aruba Padilanti tin yen di medida scondi, dus basicamente ta un falta
di seriedad y ironia cu un partido cu ta bandonando gobierno, ta wordo rechasa

cu 4 asiento menos kier bin sinta casi contento den oposicion. Ta falta di
seriedad di parti di AVP, cu e herencia cu nan ta laga atras, nan ta basicamente

felis cu nan a laga un situacion casi ingobernabel y resando pa bin e futuro
gobierno bin cu medida.

Unico manera pa paisnan sali di crisis economico, ta door di crecemento

economico. Aworaki ta premira un crecemento negativo. Cu POR den
gobernacion, no solamente ARuba lo no sostene so ariba turismo, pero reactiva
economia, door di e cientos di bouwvergunning cu ta tranca, e

verkavelingsplannan cu ta tranca y agilisa tur e proceso pa motiva e economia.

No ta algo cu ta inventa e wiel di nobo, pero ta algo cu a traha na Madre Patria
y esey lo haci na Aruba tambe. Ta danki na Sr. Otmar Oduber cu turismo ta

bayendo tremendo. Pero netamente, ta identifica cu e plafond casi a wordo
yega. Lo purba na yega na mas revenue pa camber pa bishitante. Ta calcula un

70 miyon dollar adicional, cu por saca for di e mercado aki.

Sr. Bikker a sigui bisa cu nan a haya un rapport di Banco Central, unda cu nan

ta ariba caminda pa introduci un forma nobo di pago. Door di cana den pueblo,
a haya hopi reclamo di parti di e comunidad, cu por haci pago cu Paypal, pero

no por ricibi placa via Playpal.

POR ta contento di a tuma nota di e resumen di Banco Central, nan ta trahando
ariba dimensionnan cu ta agilisa e proceso di pago. Asina Sr. mr. Andin Bikker,

di POR a finalisa bisando.