Page 30 - ATA_Neat

A18 deporte
Diasabra 9 september 2017

Challenge Aruba 2017 ta transforma den

Aruba Endurance Festival

ORANJESTAD - Despues di su aña inaugural cu hopi atleta local y internacional
Challenge Aruba Triathlon ta regresa pa su di dos edicion cuminsando dia 20 di oc-
tober te cu dia 22 di october 2017.

Esaki ta informacion for di un relato di e organisacion cu a tene un rueda di prensa diahuebs.

E expansion di e evento ta introduci diferente elementonan nobo durante 3 dia manera e Fit
Ville Caribbean (CrossFit Games), Aruba Kids Splash & Dash, RunWalk 5km, Seminarsionan
y e Sport Expo. Tur esaki lo ta riba y cerca di e parkeerplaats di Hyatt Regency Aruba Resort.
Durante tur anochi lo tin un festival di musica y cuminda cual ta forma parti di e Beer Garden.

E programa expande ta duna mas persona e posibilidad di participa cual ta inclui tambe
muchanan y hobennan activo. E programa completo ta disponibel riba www.challenge-aruba.
com

Ya caba atletanan di rond mundo y local a cuminsa registra pa e diferente eventonan. E proyec-
cionnan ta mustra cu e aña aki lo surpasa e cantidad di atleta participante, segun e organiacion.
Pa loke ta trata e parti di e triathlon e atletanan por scoge for di diferente opcion manera: half-
triathlon, half-triathlon relay, sprint-triathlon or sprint-triathlon relay. Ta importante pa tur
atleta pa e seccion aki registra promer cu dia 1 di october mirando cu esaki lo ta e ultimo dia
pa registra. Por registra via e website.

Proximamente lo amplia riba cada un aspecto di e Endurance Festival, asina e organisacion ta
laga sa.

Riba potretnan por mira tambe e atletanan competiendo aña pasa.