Page 18 - IVA

Ya caba e prome trabaonan ta tumando luga pa loke ta mudamento den hospital pa algun

luna caba. Ghislaine Gomez ta asistente den e coordinacion di mudamento y e ta conta cu

e proceso ya tabata tumando forma cu hospital a cuminsa pensa cu e siguiente paso ta e

parti di verhuizing. A forma un team cu ta coordina e parti eynan. Hunto cu e team a bay

diferente stakeholder. A bay cerca esnan di hospital y cuminsa forma un plan integral pa

muda tur departamento cu tin cu bay na e Toren B.

Con a bay

Te awor aki e experiencia ta hopi bon. Tabata simannan duro. E parti di preparacion
tabata lunanan largo, pero e parti di ehecucion ta simannan hopi intenso. Pero nan ta

contento con e partinan aki a bay. E departamentonan a muda bon. E pashentnan a drenta

safe e departamentonan nobo y esey ta principal, esta e parti di safety di e pashent y

empleadonan.

Reaccion di empleadonan

Empleadonan ta hopi contento. Nan ta mira sigur un progreso den e parti di nan unidad,

unda nan ta traha, hopi mas espacioso, cu colornan hopi mas solemne, cu ta un cambio pa

nan y tambe ekiponan nobo. Sigur e parti ey tabata algo hopi importante pa nan.

Kico mas falta

Awor aki loke ta bay enfoca riba dje ta e parti di e existing bedtower, esta e edificio bieu,

pa muda e departamentonan cu ta keda banda pabo, mudanan banda pariba, di manera cu

e contratista ta haya su luga pa e por bay verbouw e hospital existente.