Page 15 - AWM 10MAART,2016
P. 15
AWEMainta Diahuebs, 10 Maart 2016 15
Dangui Oduber (MEP): “ACTUALEMENTE, pais Aruba tin un Minister di
No tin tereno pa pueblo, Infrastrcutura cu no solamente no tin maneho, no ta
no tin tereno pa traha respeta ley, no ta respeta regla, pero un Minister cu
casnan social, pero SI tin mester a entrega su retiro hopi dia caba.
tereno pa amigonan y Den apenas un luna di tempo Minister Benny Sevinger
candidatonan di AVP! tin 3 sentencia den su contra. Tin un cantidad di
decisionnan robes cu e ta tumando luga y ainda e
Minister en cuestion ta keda manera nada no a pasa.
Den un otro pais un Prome Minister lo a exigi y urgi
e Minister controversial aki pa entrega su cartera. Na
Aruba tur cos ta posibel cu e Gobierno aki.
E situacion ta bay asina leu cu ni sentencia di Hues
Benny Sevinger NO ta respeta mas”, Dangui Oduber
ta duna di conoce.
“Ta tristo si cu awe despues di mas cu 6 aña mester
constata cu e maneho di Benny Sevinger no ta dirigi
pa duna pueblo tereno pa construi cas, no ta dirigi pa
duna FCCA tereno pa construi casnan social, pero mas
bien ta dirigi pa privilegia amigonan, candidatonan di
AVP y coordinadornan. Na Aruba na e momentonan
aki tin un lista di espera di 11.000 personan cu ta
wardando pa un cas. Famianan ta sclamando pa
por bin na remarke pa haya un pida tereno, pero
lamentablemente esaki no ta priordad pa Benny
Sevinger. Ta depende kende bo ta, ki fam bo tin, bo
ta bon na remarke pa haya tereno.
Duranre tratamento di presupuesto nos a haci
Minister Sevinger e pregunta pakico Gobierno no
a construi ningun cas social e ultimo añanan aki y
cuanto persona tin inscribi pa bin na remarke pa un
cas social. Esaki tabata e contesta duna na Parlamento:
Banda di 11.000 persona cu ta riba lista pa haya un
tereno pa traha un cas tin 3060 persona inscribi pa
haya un cas social. En bes cu Gobierno ta pro activo
y ta traha pa yuda esnan den mas necesidad ta haci
net contrario. Gobierno ta contesta Parlamento cu ta
depende di e beschikbaarheid di tereno lo wak si ta
construi mas cas social. Cu e conesta aki Gobierno ta
ignora e problema serio cu tin di escasez di casnan
social y loke nos ta cuestiona ta e hecho cu con
por ta posibel cu pa amigonan, coordinadornan y
candidatonan di AVP si tin cantidad di tereno anto
pa pueblo NO. E maneho inhusto aki mester caba.
No por ta asina cu un grupo amigo di Benny Sevinger
ta wordo privilegia y beneficia den tur sentido anto
e pueblo en general ta wordo perhudica!”, Dangui
Oduber a termina bisando.
