Page 19 - AM180714
P. 19
Diasabra, 14 Juli 2018 AWEMainta 19
Ban demostra nos sosten real na nan
Hobennan local sumamente talentoso buscando apoyo
MANERA ya ta conoci, awe diasabra riba
e barco Freewinds lo tin un concierto mag-
nifico presenta pa “Go Cultura Foundation”.
Un concierto cu ta wordo haci no solamente
p’e fundacion aki por recauda fondo pa sigui
cu su trabao importante di stimula y engran-
dece e bida artistico y cultural riba nos isla,
pero tambe pa duna oportunidad na varios
talento hoben di Aruba e oportunidad di
wordo mira riba escenario.
E entusiasmo di e cantantenan aki ta hopi hal-
to. E hecho di por presenta den un concierto di
un nivel excelente, ta nifica masha hopi pa nan.
Ta keda na nos awor pa demostra nos apoyo
real na un causa asina importante y positivo,
dor di cumpra carchi, yena e sala di Free-
winds, p’asina e hobennan aki por presenta
dilanti di un publico grandi.
E elenco di artista aki, bao guia di “The Free-
winds Band” hunto cu Edjean Semeleer, ta
consisti di Gigi Linarez, Rileyson Sint Jago,
Ferghall Vlaun, Shannon Bueno, Camilo Bas-
tidas, Shania Henry, Liam Kelly, Jeremy Gar-
cia, Stephanie Albertus y Jeanedy Semeleer.
Si ainda bo no tin bo carchi di entrada cum-
pra esun di bo ainda awe. Dos mucha bao di
16 aña ta drenta cu 1 carchi, nos ta conseha
bo pa bishita oficina di “Go Cultura Founda-
tion” den J.G. Emanstraat 24 durante orario
di oficina, of comunica cu nan via nan pa-
gina di Facebook, of na telefon 583-0808,
celular 569-5442 of via email na info@go-
cultura.org
Fantastic Gardens y Taste my Aruba Café
tambe tin carchi obtenibel.
Ban demostra apoyo genuino na nos artistan-
an local cu ta trahando duro continuamente
pa logra cosnan positivo y pa engrandece nos
rikeza cultural. Nos ta haciendo nos parti y
abo?
