Page 40 - ATA
P. 40
Aruba Meets Europe:
ORANJESTAD (AAN): Diamars mainta a tuma lugar apertura di Aruba Meets Europe
den Ballroom di Hyatt Regency Aruba Resort, Spa & Casino, unda cu despues cu
Minister di Turismo Dangui Oduber y CEO di AHATA Jim Hepple a duna palabranan di
bon bini na tur hende, a tuma lugar algun presentacion.
Hepple mes a duna algun informacion riba e inversionnan cu ta tumando lugar den
diferente di e hotelnan na Aruba, cu ta relaciona cu entre otro mantencion y
renovacion.
Un di esnan cu a duna un presentacion tabata CEO di AAA James Fazio, kende a duna
un update di “Gateway 2030”, unda cu el a duna un splicacion di tur locual ta bay tuma
lugar na Aeropuerto Reina Beatrix den e añanan cu ta bin, pa por mehora e servicio na
e clientenan, unda cu ta y ta bay uza mas tecnologia, pa por tin mas eficiencia den
maneho di e pasaheronan.
CMO di ATA Sanju Luidens y Area Director ATA Europe Tirso Tromp tambe a duna un
presentacion, unda cu nan a introduci pa Europa e campaña di ‘Authentic Aruba’, cu ta
un campaña cu ya caba ta wordo uza pa Merca.
