Page 18 - ATA 1 April'15

demostra durante full aña pero especialmente durante ‘high season’ caminda cu nos isla tin mas
bishitante cu normal. Aruba ta conosi pa e calor humano y e cordialidad di su hendenan y nos mester
percura pa nunca esaki bai perdi. E servicio cu cada un turista ricibi den un pacus, banco, hotel,
restaurant, car rental of otro lugar ta determina nan experiencia y imagen di nos isla. Un simpel sonrisa of
un saludo caba ta hasi un diferencia. Esaki ta un di e factornan determinante pa haci di un turista un cu lo
kier bira un ‘repeat’ guest. Awendia nan ta uza hopi website cu ta duna un destinacion un rating of
manera nan bai back nan pais of subi barco nan ta comparti nan experiencia ariba rednan social of via
encuesta. Aruba su turismo tabatin aña pasa un crecimento cu a surpasa e proyecionan y cu a sa di
carga nos economia cu un contribucion di casi 3 biyon florin. Pa e aña aki atrobe nos ta usando cifranan
conservativo pa ‘outlooknan’ of proyecionan pero por a tuma nota cu ja den e prome luna nan di aña e
cifranan tin un trend positivo cu excepcion di un caida chikito den pasaheronan di turismo crucero cu ta
algo cu por pasa. Ta bon pa subraya si cu pa 2016 ya tin mas barco crucero confirma cu pa 2015. Aruba
tambe a conose un aumento substancial den e luna aki pa locual ta regarda turistanan cu ta yegando cu
avion priva y cu ta keda riba nos isla si compara cu e cifranan cu e aña anterior. Pa conclui nos por bisa
cu nos turismo ta nos pilar economico solido cu nos tin cu cuida, mantene y mehora, e mester ta un
compromiso di cada un di nos cu ta biba riba nos dushi baranca, Aruba.

http://masnoticia.com/calidad-y-servicio-mester-keda-halto-specialmente-den-high-season-pa-cu-nos-
turistanan/

Bucuti y Tara Beach Resorts ta sigui inverti den nan
empleadonan

Posted on 03/31/2015 7:25 pm AST | Updated on 03/31/2015 7:52 pm AST

ORANJESTAD — E siman aki un grupo nobo di 17 empleado a cuminsa tuma les
pa nan tambe haya nan certificacion di e programa “Mi Compromiso cu Aruba”. E
programa educacional aki, cu a wordo crea dor di gobierno di Aruba y Aruba
Tourism Authority (ATA), tin como meta pa mehora nivel di conocemento y
consistencia pa loke ta informacion di nos isla cerca esnan cu ta labora den nos
industria turistico, cu enfoke riba excelencia y sostenibilidad. Bucuti di su banda ta
kere cu inversion den empleadonan individual ta produci embahador nan motiva di
nos dushi Aruba. Desde cu a introduci e programa di certificacion 'Mi Compromiso
Cu Aruba', Bucuti & Tara Beach Resorts a certifica mas cu 50 porciento di su
trahadornan y management.

RECURSO HUMANO

"Nos empleadonan ta un di recursonan mas importante pa motibo di e conocemento y e
nivel di servicio cu nan por duna na nos huespednan", asina Ewald Biemans, propietario
y managing director di Bucuti ta declara. "Nos ta kere den importancia di e programa aki
y ta sigur cu cu e lo resulta den servicio excelente den industria turistico riba henter nos