Page 11 - min.ttc 12 jan,2016

AWEMainta Diamars, 12 Januari 2016 27

Nuevo Mundo
Music Festival &
Academy 2016

DESPUES di 11 aña exitoso na Maracaibo, Nuevo Mundo Music

Festival & Academy (NMFA) a debuta na Aruba aña pasa y surpasa tur
expectativa. E cantidad y calidad di e studiante y maestronan a impacta
tur esnan cu a asisti e concertnan tur anochi di e festival.

E aña aki NMFA lo agrega klas di mas instrument, e.o. trompet, tuba
y trombon. NMFA tambe lo introduci algo nobo e aña aki: E Orkesta
Festival Nuevo Mundo! E Orkesta NMFA lo trece hunto musiconan
di diferente parti di mundo pa toca bou di direccion di Profesor Jan
Wagner (Dinamarca/Venezuela) y Carlos Botero (Texas/ Colombia).

E di dos edicion di NMFA lo habri dia 14 di juli cu un concert di e cuarteto
di cuerda La Catrina di New Mexico State University. La Catrina ta
consisti di Daniel Vega-Albela, fio (Mexico), Jorge Martinez-Rios,
viola, (Mexico), Jorge Espinoza, cello (Chile) y e director artistico y
fundador di NMFA, Simon Gollo, fio, (Venezuela/Switzerland). Simon
Gollo, awor ta Profesor di musica na New Mexico State University.

E Orkesta Nuevo Mundo Festival bou direccion di of Professor Jan
Wagner (Denmark/Venezuela) lo clausura e anochi di juli 22. Entre
e musiconan participante lo tin miembro di Luzern Festival Orchestra
(Switzerland), Frankfurt Radio Symphony (Alemania), Houston
Symphony (Texas), Gulbenkian Orchestra (Portugal) y e Royal Opera
of Wallonie (Belgica).

E conciertonan di apertura dia 14 y di clausura dia 22 lo ta e unico
eventonan pa cual lo cobra pa entrada. Entre e dos fechanan aki lo tin
concierto of recital tur anochi y entrada pa nan lo ta completamente
gratis.

E lista di e maestronan pa 2016 atrobe ta impresionante. Lo tin profesor
di institutonan mundialmente conoci: Oberlin Conservatory, Mahler
Chamber Orchestra, Conservatoire Súperieur et Académie de Musique
Tibor Varga, Michigan State University, Long School of Music, Vermeer
Quartet, the Royal Conservatoire of Antwerp, Conservatorio de Musica
de Puerto Rico, Shenandoah University, West Chester University and
New Mexico State University. Nan tambe lo toca den e Orkesta NMFA.

Nuevo Mundo Festival and Academy ta un evento musical unico den
nos region Caribense. E ta pone nos dushi Aruba entre e centernan
musical mas prestigioso di mundo. Mescos cu e festival na Aspen,
Tanglewood y otro festivalnan di music clasico, NMFA lo atrae un
diferente clase di turista y lo contribui na nos economia. Ta na nos
interes pa apoya NMFA y yud’e crece.

Pa mas informacion, bishita e NMFA website www.nuevomundofestival.
com of e rednan social Facebook: FANUEVOMUNDO, Twitter: @
fanuevomundo, y/of Instagram: @nuevomundofestival.

Como President Honorario di NMFA Aruba, mi ta invita abo y bo famia
pa asisti e concertnan na juli.