Page 42 - min.ttc 12 jan,2016
P. 42
30 AWEMainta Diamars, 12 Januari 2016
SMAC hunto cu Departamento di
Cultura Aruba
A realisa un
exposicion dedica
na sr. Vale Croes
den Cas di Cultura
DEPARTAMENTO di Cultura Aruba, bou auspicio di Ministerio
di Cultura riba peticion di SMAC a realisa un exposicion dedica na
Sr. Vale Croes (d.f.m.), miho conoci como “Don Vale” na ocasion
di e eleccion di Prins cu Pancho 2016 di Aruba su Carnaval.
Diasabra, dia 9 di januari a tuma luga e apertura di e exposicion
aki, titula “Don Vale Croes” organisa pa SMAC. SMAC a pidi DCA
pa compila material y mesora personal di DCA a tuma contacto cu
famia di Vale. Asina a bin haya diferente matarial manera potret,
instrumento musical, su pañanan di Pancho Coriente y diferente
trahe di su personahenan di show. Tambe nos ta gradici Friedrich
van der Hans di revista Bacchanal cu a colabora cu varios potret
di Vale pa e expo. Staf, Seccion di Implementacion y varios otro
personal di DCA a traha den tempo record y henter dia di diasabra
pa prepara e contenido y set-up di e Expo.
Publico di Aruba por pasa wak e expo aki cu ta keda habri henter
e siman aki di dialuna 11 di januari te cu diabierna 15 di januari
2016 for di 9’or di mainta pa 4’or di atardi tur dia. Cu excepcion
di diahuebs cu lo ta habri di 9’or di mainta pa 6’or di atardi den
sala di exposicion of sala chikito di Cas di Cultura. Entrada ta
completamente gratis.
Departamento di Cultura Aruba su Staf ta orguyoso di su personal
cu a haci lo maximo pa realisa e exposicion aki dedica na nan
ex colega y amigo, Sr. Vale Croes. Na su turno ta gradici tambe
directiva di Cas di Cultura y su directora Vicky Arens pa permiti e
Expo keda habri un siman largo. Invitacion ta bay na henter publico
di Aruba pa bishita e exposición, “Don Vale Croes”.
