Page 2 - MC DONALDS

Diabierna 10 november 2017 HEndE
A18

Pueblo a duna nan apoyo pa asina yuda Centro Man Na Obra

ORANJESTAD - Recientemente McDonald’s Aruba a
celebra e Gran Dia 2017. E evento aki tabata pa recauda
fondo pa Centro Man Na Obra. Cu cada compra di Big
Mac e dia ey a bay pe centro cu e meta pa yuda promove
training pa trabou y integracion den comunidad di e
personanan desde 16 aña.

Riba e dia aki segun nan relato, e 3 sucursal di McDonald’s
a participa na e evento. Mester bisa cu hopi hende a yega y
cumpra nan Big Mac pa asina yuda Centro Man Na Obra.
E dia aki a conta cu presencia di e embahador Galloway Jr.,
kende tabata invita tur hende pa yega na un di e sucursalnan
pa cumpra un Big Mac y asina tabata haci un donacion na
Centro Man Na Obra. Galloway Jr. tabata yuda den cushina,
pero tambe a sirbi clientenan na e counter y drive thru, aki ta
unda hopi persona a keda sorprendi. E radio emisora Magic
FM y Cool FM tambe tabata presente y hunto cu Galloway
Jr. a anima y entretene tur hende cu tabata presente na
McDonald’s Seroe Blanco.

Supervisor Operacional, Sulina Vrolijk: “Durante e dia nos
a bende hopi Big Mac pa haci donacion na Centro Man Na
Obra”. Elvira Tromp di Centro Man Na Obra y e muchanan
di e scol tabata contento cu e yudansa cu nan a ricibi di
McDonald’s y comunidad di Aruba. “Danki na McDonald’s
pe donacion y tur hende cu a cumpra Big Mac durante e Gran
Dia. Cu e donacion aki nos por sigui traha riba training pa
trabou pa nos studiantenan”, asina Elvira Tromp a indica.