Page 8 - AHATA Aug 9 2021_Neat

ORANJESTAD – Siman pasa un delegacion di Aruba lidera pa minister demisionario di
Turismo Dangui Oduber a reuni cu ehecutivonan di Carnival Cruise Lines, Florida-
Caribbean Cruise Association y Royal Caribbean Cruise Lines na Miami. Esaki ta e dos
liñanan di crucero cu ta produci mas hopi turistanan crucero pa nos destinacion,y como
tal, sigur hopi relevante pa Aruba su industria turistico.

FLORIDA

Recientemente operacion di crucero desde puertonan na Florida a re-inicia y lineanan ta
hopi activo ta haci e cambionan necesario pa adapta na e situacion di e pandemia
mundial.

AHUSTACION

Segun ATA, naturalmente e situacion actual di e pandemia tin hopi ahustacion cu ta
adapta cada rato pa loke ta trata e resto di 2021, pero e liñeanan crucero a duna indicacion
cu e recuperacion lo por acelera na 2022 tanto den capacidad y den cantidad di barco
crucero cu lo ta den operacion y aki ta inclui Aruba den nan itinerario.

MIHO AÑA

Aña 2019 tabata e miho aña pa turismo crucero pa nos destinacion segun ATA, unda un
total di 832.001 pasahero crucero a bishita nos isla. Durante e acontecimentonan di siman
pasa, ta planeando e cantidad di calls pa nos isla cual den algun caso por surpasa e
nivelnan cu loke 2019 a produci den e industria aki pa Aruba. Pa loke ta trata e
reunionnan cu Carnival Cruise Lines, ATA a mustra cu Aruba ta continua di tin un hopi
bon imagen tanto den e comentarionan di nan pasaheronan pero tambe den e percepcion
di e agencianan di viahe. Esaki por wordo mira bek den e rating cu Aruba ta sigui den e
top 2 destinacionnan den Caribe, di cual nos ta score un averahe di 9.3 den satisfaccion di
e pasaheronan di crucero. Pabien Aruba!

OPERACION DI CRUCERO

Operacionnan di crucero a demostra di ta bayendo bon den e maneho segun ATA, y pa
tal motibo e casonan positivo di COVID-19 ta limita. Asina mes, lineanan di crucero a
fortifica nan protocolnan aun mas y actualmente e protocolnan di e industria crucero ta
mas stringente cu e medidanan cu Centers for Disease Control & Prevention (CDC). Gran
mayoria di pasaheronan di crucero ta vacuna, cual ta yuda limita e riesgo entre e
pasaheronan y pa e comunidad di e destinacionnan cu e barconan di crucero ta bishita.