Page 10 - ARUBA BANK MAY 15

ATIA: NO TIN MAS LUGAR PA SUBI
BELASTING NA ARUBA

Si nos a sinta traha y sigui reglanan di bon gobernacion, awe den 2015 Aruba no mester a firma un protocol di
CFT pa bin controla finanzas di pais Aruba. Gremio comercial ta lamenta esaki hopi, segun presidente di
ATIA, Michel Henriquez.
E ta sigui splica cu e protocol a wordo analisa pa ATIA y tabata tin discusion cu gobierno riba esaki como
tambe cu mandatarionan Hulandes.
E ta sigui splica cu si Aruba a mantene su mes na e reglanan durante tur e añanan aki, no lo a yega asina leu. E
preocupacion cu ATIA tabata tin pa tanto gobierno como Hulanda tabata cu whatever loke nan haci awor aki,
no por trece mas peso ni pa comercio ni pa e ciudadanonan mas. Nos ta overtaxed, loke ATIA a bin ta bisa pa
hopi aña caba. Prome cu nan bin cu cualkier medida of aumento den belasting, nan mester bay traha prome
riba bahamento di gasto di gobierno. Esey ta algo cu ATIA tin varios ta aña ta papia riba dje. Sinembargo esey
ta e parti cu ta wordo ignora. Si mira den cada prespuesto, e entrada ta subi pero no ta traha riba e gastonan. Ta
wordo traha riba dje, pero na fin no ta wordo cumpli cune.
Nos ta awor aki y ningun supervision no ta na su lugar. Tur compania en principio tin supervision di un
manera of otro. Si a sigui conseho di nos mesun organonan di conseho manera Raad van Advies of Centrale
Bank, nos no la yega asina leu. Hulanda ta para riba su punto, cu e ta corecto of no, esey Henriquez ta laga pa e
politiconan debati.
Nan preocupacion principal ta mas bien kico ta e consecuencianan di esaki pa comercio y pa e ciudadanonan y
por a mira tambe durante reunionnan den parlamento cu nan a subi of nan kier subi e BAZV.
En principio ATIA no ta contento cu e protocol, pero ta na su lugar awor aki y el a yega.
Henriquez a splica cu hopi cos ta wordo papia. Si tende di ministernan cu nos presupuesto lo a mantene su mes
na esey, pero prome cu papia, tin cu mira precies ta bay pasa, kico ta bay bin prome cu duna un opinion riba
dje.
Mensahe cu ATIA a duna tanto na Hulanda como Aruba, cu no tin mas espacio pa subi belasting na Aruba,
tanto comercio como e ciudadanonan en general, ta overbelast y no tin lugar pa esey y esey ta malo pa
economia di Aruba.

ATIA: No tin mas lugar pa subi belasting na Aruba 05-15 Preview - MasNoticia.com