Page 71 - MIN ECEM - MIKE DE MEZA

Elmar hunto cu Gobierno ta yegando e fase final pa
cambiamento y instalacion di luznan riba caya

Monday, 05 June 2017 18:43
Comparti

Elmar ta hopi druk bezig ta pega cantidad di luz riba caya. Director di Elmar, Robert Henriquez a splica
cu tin un proyecto cu pa basta tempo caba nan ta bezig ta instalando luznan di caya. E proyecto berdad
tin basta tempo ta haciendo propaganda pe tambe.

Awor aki nan ta yegando den e fase final di e proyecto. Tin mayoria di e luznan di caya cambia. Tin mas
of menos 9000 luz bieu existente, esta e High pressure sodium. Awor tin casi 7000 pa 8000 cambia.
Ademas di a cambia tin extra pa instala riba peticion di Gobierno. Elmar ta den full speed pa instala. E
proyecto pa Elmar ta un importante y ta un exito te awor aki. Ta hopi riba schedule pa caba cun’e. Nan
tin un meta pa caba cun’e pa fin di e aña aki. Ta mustra cu lo bay bin cla kisas den September pa October.
Ta basta bon riba schedule. Elmar ta contento cu sigur e aporte cu e trahadonan ta pone den e instalacion
di e luznan aki. Nan ta haciendo un bon trabao. Nan tin dos team cu ta haciendo lo maximo pa cambia
tur e luznan aki. E ultimo lunanan nan a haci un tramendo trabao y ta supercontento cu loke nan ta
haciendo. Peticion Elmar ta haya hopi peticion na e compania. Nan no por otorga e peticionnan pap one
luz. Ta Gobierno ta duna por medio di un opdracht di DTI, nan ta indica unda si y unda no. Na fin di dia,
ta gobierno ta page. E ora ey, mayoria di e camindanan cu Gobierno ta canando ultimo tempo, ta haya
hopi opdracht pa pega, tin biaha 20 pa 50 luz dfen e barionan. Reaccion den e barionan ta positivo. Tin
hende cu a warda hopi tempo pa haya un luz cu ta trece claridad.

E ta preveni mal hechornan pa bay cu nan cosnan. E ta yuda e bario crece. E ta agrega un balor na e
bario, na e caminda, na e caya. E ta un balor agrega pa cualkier ciudadano cu tin un pida luz dilanti y
sigur, Gobierno ta haciendo su best pa pone e luznan aki disponibel na cada ciudadano, pero tambe ta
mara na un presupuesto. E ora e presupuesto aki ta purba di manten’e controlabel pa Gobierno, pa asina
nan por page. Esey ta e obhetivo final di dia. Feedback Segun Henriquez, nan ta haya feedback di e
empleadonan cu ta pone e luznan aki. Nan ta splica cu nan ta haya bon comentario bek di pueblo, cu ta
contento cu e instalacionnan den bario. Ta haya cu ta salta un paar di cas, pero no tur ora por complace
cu tur hende. Peticion ta haltisimo y sigur si sigui den e direccion aki, eventualmente por bisa cu por
cubri cada ciudadano, pa 90%. Cuanto luz Elmar a busca un total di 12 pa 13 mil luz. Originalmente bata
tin un ordo di 12 mil. 9 mil y un extension di 3 mil. Pero gobierno a pone 1000 extra den e ultimo
lunanan aki, pa asina yega na e demanda di e peticion. Elmar ta bezig ta evalua, hunto cu Gobierno pa
diferente caso, wak si por expande un tiki mas.