Page 86 - MIN ECEM - MIKE DE MEZA

OSRL: Zeta cu a spula riba tera ta

menos peligroso cu a kere

Posted on 06/5/2017 10:55 pm AST | Updated on 06/5/2017 11:14 pm AST
ORANJESTAD – E situacion di e derame di zeta ta menos pisa cu a kere
originalmente, y mas importante, menos peligroso. Asina expertonan di derame di
petroleo international, Oil Spill Response Limited (OSRL) a bisa dialuna anochi
durante un conferencia di prensa. Un total di 5 representante cortesia di REPSOL a
bin Aruba e weekend aki y inspecciona e situacion. Un di nan, Michael Roldan, a
sigura NoticiaCla cu e loke a spula riba tera, no ta mes peligroso cu a kere
originalmente. E ta yama nan ‘low intensity tarballs’, esta ‘bala di zeta’ di
intensidad abou. Di otro banda, gobierno di Aruba ainda ta wardando e resultado di
e testnan cu a haci cu algun di e tarballnan cu a subi tera. Pero e expertonan
internacional ta sigura cu e situacion no ta mes dramatico manera inicialmente
pensa.

INSPECCION ROND ARUBA

Mas representantenan di e compania internacional, Jonathan Cook di Inglaterra a splica
cu a haci un recorido cu helicopter rond di Aruba, unda cu a detecta 5 area di interes cu ta
afecta cu petroleo. Mes momento e ta sigura cu esey no ta significa necesariamente cu tur
5 spot ta deriva di e zeta cu a spula tera siman pasa. Ta mustra cu tres spot ta procedente
di e spulamento di zeta y otronan ta di cosnan di pasado, pero cu ainda a keda marca. A
dicidi tambe cu parti di e zeta pega riba baranca, lo no wordo kita, sino mas bien ta laga
naturalesa haci su trabou di limpiesa. Otro areanan a wordo limpia corectamente segun e