Page 1 - AWEMAINTA
P. 1
December 27, 2019
www.awemainta.com
www.facebook.com/awemainta
noticia@awemainta.com
583-1400
Brake di truck di cater di avion no kier funciona
A CAUSA CU AVION DI
ARUBA AIRLINES A HAYA
UN BURACO Y NO POR A
LANTA BUELO PA CORSOU
TABATA diamars ultimo, ora cu Aruba Airlines tabata fi-
nalisando di equipa e avion pa lanta buelo di Miami pa Cor-
sou, cu a surgi un accidente riba plataforma cu a pone cu e
avion no por a lanta buelo mas.
T’asina cu un di e trucknan cu ta cater e avion cu cuminda pa
un motibo of otro, e brakenan no kier a funciona y a bay dal
den e curpa di e avion n’e parti patras, hacienda un buraco
grandi.
Consecuentemente Aruba Airlines mester a cancela e buelo
aki pa Corsou, Unico informacion e pasaheronan a haya ta,
“boso por bin mañan atrobe, y wak si nos tin otro avion pa
hiba boso Corsou”.
Varios tabata e pasaheronan cu no a
acepta e forma grocero aki di atende cu
nan y a cuminsa protesta formalmente.
E ora ey, Aruba Airlines Miami, a dici-
di di duna cada pasahero un vouche pa
cuminda, mientras a cuminsa busca otro
pa nan pa un anochi.
A haya varios hotel den becindad di
Aeropuerto, pa hospeda nan. Tin al-
gun pasahero a bisa cu nan lo bringa
pa haya nan placa bek y a dicidi di book
riba American Airlines pa por ta Pasco
cu nan famia. E avion aki mester keda
Miami pa wordo drecha, mientras cu
Pasco e compania a hiba un otro avion
pa recoge e pasaheronan cu a pasa den e
mal experiencia aki.
