Page 11 - AWEMAINTA

Diabierna, 27 December 2019 AWEMainta 11

Polis a lucha fuertemente cu

chauffeur burachi pa algun minuut,

prome cu por a pone den boei

DI dos dia di Pasco, esta diahuebs madru-

ga Polisnan di Playa a haya nan confronta

cu un chauffeur burachi hopi fastioso mes.

Tabata den careda di 5:40 a.m cu Polis a

topa cu un chauffeur cu a caba a trip y po-
siblemente lo tabata buscando caminda di

cas. Pero e chauffeur aki tabata burachi y a

core den verboden den Weststraat p’e sali.

E chauffeur un rato prome tabata den un

club eybanda. Polis a topa cune y mesora a

bay atende cune y ta ripara cu e ta burachi.

A lagu’e test (Alco-Sensor) y e test a sali a
malo.

Agentenan a bise cu e ta wordo deteni. Aki

ta unda cu e dolor di cabes a cuminsa.
Momento cu e agentenan a bay pa pone boei

na su man e chauffeur a cuminsa resisti

fuertemente.

A dura e agentenan sigur algun minuut
prome cu nan a pone den boei.

Na final e agentenan a logra pone den e boei

y hibe Warda di Santa Cruz.
Ora cu Transportwagen a yega warda na

Santa Cruz tabatin un otro incidente cu e

chauffeur aki momento di bay bahe.

E agente femenino cu a caba di presencia

kico tur e homber a haci na Weststraat a
constata cu el a pasa su mannan padilanti.

E agente a dune ordo, cu mescos el a pasa
su mannan (geboei) dilanti e pasanan bek

patras.

Den algun seconde el a pasa su mannan bek

patras y e ora a habri e porta di e Trans-

portwagen pa e por a baha p’e wordo cera.