Page 20 - AWEMAINTA
P. 20
20 AWEMainta Diahuebs, 19 December 2019
Turista masculino seriamente herida den
accidente di Quadracer na Sero Cristal
DIARANZON mainta pa mas o menos 11’or, un
accidente hopi serio ta sosode un biaha mas cu un Quadracer.
E accidente aki a sosode manera hopi di otronan durante un
di e tantisimo tournan cu ta wordo ofreci na nos turistanan.
Un pareha turista riba un Quadracer a accidenta den e
bocht na Sero Cristal. Esaki mas sigur tin di haber cu nan
no conoce e caminda y di ripiente ta topa cu un bocht.
Loke a sosode tabata cu e pareha a perde control den e bocht
y a dal contra un baranca na rand di e caminda. Despues a
sigui y dal contra un kabel (metal) cu ta wanta e pal’i luz.
Debi n’e impacto fuerte, e turista a ricibi multiple trauma,
kibrando heup y casi tur su dedenan, tambe el a ricibi un
herida n’e pia robes cu tabata sangra masha hopi mes.
Esnan presenta mesora a yama 911, pidiendo ambulance cu
maximo urgencia. Un Paramedico turista pasando eybanda
mesora a baha un cuminsa duna prome auxilio, wardando
ambulance cu a yega hopi liher.
Un Tourniquet a wordo haci mesora pa para e sangramento.
Polis di Trafico tambe a presenta p’asina tuma tur dato di e
accidente aki cu ta uno di mas.
