Page 84 - MIN ON

Simar cu reunion urgente riba asunto di

airco den tur klas

Posted on 09/18/2017 11:58 am AST | Updated on 09/18/2017 10:18 pm AST

ORANJESTAD – Sindicato di maestro a yama un reunion di urgencia pa awe nochi,
relaciona cu e situacion di tempo calor na Aruba y airco den tur local di scol.
E comunicado cu e sindicato a circula awe mainta, ta menciona cu nan a haci un peticion
na minister di enseñansa pa tuma pasobra e siman aki relaciona cu calor atrobe. Pero
minister lo no a reacciona. Como tal a convoca e reunion pa awe nochi 6’or unda cu a
pidi tur maestro y cabesante di scolnan pa acudi, y asina opina riba e tema. Ta trata di un
posibel solucion pa e proximo tres dianan cu segun Meteo, lo ta hopi calor atrobe. Siman
pasa tabatin algun dia cu a dicidi cu ta manda muchanan cas for di 11am debi cu tabata
mucho calor. Pero despues a cambia esaki atrobe pa oranan normal, siendo cu p.e. na
Corsou, si a adapta e orario. No ta conoci kico Corsou lo aplica e siman aki. A busca
contacto cu e mandatario di enseñansa, pero ainda no tabata exitoso.