Page 62 - TTC MRT 26

landsbesluit pa por haci cobramente posibel y esaki finalmente a keda cla y a wordo notifica na
tur agencia cu ta traha na Aruba cu desde April e ora e ley ta na vigor, cu su rekisitonan, cu e
landsbesluitnan in place, cu ta nifica cu tur e barconan cu ta haci sea anchoring, cu ta para eyfo,
warda e siguiente opdracht, lo mester paga pa haci esaki na pais Aruba.
Esnan cu ta haci mantencion den nos area, door di nos bon ubicacion, e awanan cu ta toch basta
faborabel, cu ta haci mantencion na nan barconan, limpiesa na nan barco, esaki tambe lo tin
tarifanan cu tin cu wordo paga.
Si ta haciendo bunkering activities, tambe lo nifica cu lo mester cumpli cu responsabilidadnan cu
pais Aruba, no solamente den pago, pero tambe den e aspecto di siguridad y naturalmente loke ta
clean den e caso aki, pa sigura cu e no por bira nunca un menasa tambe pa nos industria principal
cu ta turismo.
Esaki lo nifica automaticamente tambe actividadnan mayor pa companianan cu ta estableci na
Aruba of cu kier establece na Aruba, pa e tipo di procesonan aki, cu ta tuma lugar y sa cu aña
pasa a yega na acuerdonan cu Curoil di Corsou, cu awor aki tin operacionnan, APA tambe ta
envolvi den henter esaki cu ta crea e posibilidadnan cu actividadnan economico aki di bunkering
pa e siman aki, nan lo ta na Aruba pa henter e proyecto aki mes tambe y tur esakinan
naturalmente ta companianan na Aruba.
Curoil pa por haci e trabao, nan a establece un compania na Aruba cu ta contribui na henter e
desaroyo economico.
Esaki ta comienzo di un temporada nobo pa loke ta trata actividadnan. El a coincidi pa
casualidad cu e ley ta keda cla cu por cuminza cu henter e control aki y cobranza cu lo genera
mas of menos directamente pa caha di gobierno, pa e aña aki ainda 3.5 pa 4 miyon florin, pero pa
un aña completo e mester ta rond di 6 pa 8 miyon florin cu a calcula cu por genera directamente
pa caha di gobierno, mas naturalmente e proyectonan aki cu por nifica un entrada substancial, e
mandatario a conclui.

http://masnoticia.com/entrante-april-barconan-cu-para-den-awanan-teritorial-di-aruba-lo-mester-

cuminza-paga-pa-nan-staciona/