Page 11 - AweMainta14Nov2015

AWEMainta Diasabra, 14 November 2015 11

Parlamentario
sra. Lorna C. Jansen-Varlack

Aruba Paralympic
Committee

a reuni cu Comision
di Deporte y Cultura

na Parlamento

ARUBA Paralympic Committee ta e prome or-

ganisacion cu lo atende cu personanan des-
capacita fisicamente y a wordo lanta pa pro-
move deporte bou di e grupo di personanan aki.
Presidente di e organisacion aki ta drs. Shardea Croes
kende porcierto a studia y obtene su diplomanan den e
ramo aki (bachelor y masters).
E otro miembronan di directiva ta Glenda Thomasia,
John Ras, Emmeline Webb, Albertino Maduro y Ter-
ence Daly.
Deportenan paralympico ta deporte na nivel profesional
cu a wordo crea pa hendenan cu descapacidad fisico.
Mescos cu tin weganan Olimpico cada 4 aña, tambe tin
Weganan Paralympico cada 4 aña cu ta cuminsa 2 si-
man despues di e Weganan Olimpico. Tin un diferencia
entre e Weganan Paralympico (pa personanan cu des-
capacidad fisico) y e weganan di Special Olympics (pa
personanan cu discapacidad intelectual).
Aruba Paralympics Committee ta miembro di Interna-
tional Paralympic Committee.
E meta di e reunion tabata pa informa Comision di De-
porte y Cultura tocante e organisacion y pa splica e plan
strategico di 2014 -2017.
Srta. Shardea Croes a duna e presentacion
di e organisacion y a splica e plannan pa futuro.
Segun cifranan di Censo di 2010 a wordo estima cu
tin mas of menos 4000 persona cu ta fisicamente des-
capacita na Aruba.
E limitacionnan aki ta inclui limitacion visual, fisico y
mental.
APS kier logra yega na un gran parti di e personanan
aki cu tin limitacion fisico pa stimula nan participacion
den deporte y pa conscientisa nan famia y comunidad
cu e hendenan cu limitacion tambe ta conta y cu nan
tambe por mas.
Nan participacion lo engrandece nan calidad di bida
y alabes lo haci nan hopi mas consciente di e cuido di
nan salud. E deportenan cu APS ta ofrece te awor ta:
Judo, Atletismo, Landamento, Boccia, Futbol 5 banda,
Volleyball sinta y Powerlifting.
APS tambe ta buscando afiliacion cu e otro organ-
isacionnan di deporte manera COA y ASU.
Comision di Deporte y Cultura lo evalua con nan por
duna nan aporte n’e organisacion APS den futuro y ta
desea APS hopi exito cu nan esfuersonan pa nos hende-
nan cu limitacion fisico.