Page 20 - AweMainta14Nov2015
P. 20
20 AWEMainta Diasabra, 14 November 2015
Den november y december YMCA
lo ofrece mas curso
Certificado pa
cursistanan cu
a siña cushina
cuminda di Pasco
DEN lunanan di september y october, YMCA Aruba
a ofrece diferente curso di cushinamento di cuminda
di Pasco bao guia di Chef Glenn Ridderstap kende a
siña cursistanan platonan delicioso specialmente pa
temporada di fin di Aña.
Tambe a ofrece curso di Makeup bou guia di
Roxanne Pieters kende a siña cursistanan diferente
“looks” specialmente p’e temporada di fin di aña den un
manera dibertido. E interes pa participa den e cursonan
tabata hopi grandi.
Despues di a pasa e curso den forma satisfactorio riba
30 di october ultimo, e participantenan a ricibi nan
certificado na YMCA Dakota.
YMCA Aruba ta informa comunidad cu den lunanan
di november y december, YMCA lo ofrece mas curso
di cushinamento, trahamento di bolo, snacks y tambe
trahamento di Joyas. Pa mas informacion por yama
YMCA Dakota na 582-3072. Un pabien ta bay na tur e
cursistanan cu a participa.
