Page 110 - KPA

E reunion aki tabata uno hopi importante, ya cu ta diferente aspecto cu mester
a wordo cumpli. E minister di Husticia tabata presente den e reunion pa prome
biaha den historia, y el a duna di su parti e preocupacion cu e tin, cu e

puntonan cu SPA a trece dilanti cerca e minister.

Un di e puntonan tabata pa uno, berdad cu nan ta contento cu e auto di
kustsurveillance, ya cu esey ta brinda siguridad na e pueblo, na nos costanan.

Pero, el a lubida cu patruyanan mester auto, recherchenan mester auto. Loke ta
e materialnan, bulletproofvest cu e polisnan mester di dje. Uno bon, di level 3A

y no busca un level mas abao. E siguridad di e polisnan cu ta ariba caya ta
conta. Por pone un comision y bo mester invita sindicato SPA pa ta presente
tambe pa duna su advies. Y esey no a wordo cumpli. Eynan e comunicacion a

cuminsa traha ariba dje di comienso, pero poco poco e ta cabando. Un di e
tensionnan di Cuerpo ta e Korpschef y e leiding.

Segun Sr. Maduro, p’esey nan a acerca e minister, pa papia di e mesun topico,

for di tempo cu e ex minister di husticia te cu esun nobo aki. E ta mesun
puntonan cu a bin y nan a cuminsa bon. E comunicacion a cuminsa bon, pero el

a baha bek na 0.

E sindicato ta cansa, nan mester di nan materialnan pa sigui traha. E stoelnan

na warda di polis tambe ta na werki. E stoelnan aki ta wordo uza 24/7. Aki dos
aña e sindicato kier e Cuerpo Policial den un manera profesional y dunando

servicio.

Pa loke ta un termino di tempo, SPA no a duna e minister un tempo. Pero ta e
minister mes a bisa cu den curso di otro siman, nan lo tin un contesta. E

minister a bisa cu e ta pro polis y e kier yega pa tin un solucion pa e
problemanan chikito cu nan tabata tin, pero cu ta birando grandi.