Page 48 - MIN VOS_Neat
P. 48
10 AWEMainta Dialuna, 15 Mei 2017
Prome Minister Eman y esposa Doina cu regalo di
alegria y musica pa nos Grandinan riba ‘Dia di Mama’
“ORA mi pensa tur e trabou cu mi mama a pasa
aden pa lanta 8 yiu su so, mi a pensa cu mi mester
haci algo special pa nos mamanan grandi, cu ta den
un Cas di Anciano.
P’esey durante e ultimo 16 añanan mi ta bini cerca
boso tur aña riba Dia di Mama, tratando pa duna
boso un cariño special y algo di alegria pa recorda boso
tempo”, tabata e mensahe cu Prome Minister Mike
Eman a duna diadomingo mainta na e tres Casnan
di Grandi y Cuido cu el a bishita.
Compaña semper pa su señora esposa Doina, Prome
Minister a yega den oranan di mainta na Cas di Cuido
den Palisiaweg, unda cu, manera semper, el a wordo
ricibi cu alegria.
E motibo ta cu el a yega cu alegria, cu musica di
Robert Maduro y su yiunan, kendenan a presenta
cancionnan tipico di antes, no unicamente di ‘Dia di
Mama’, pero tambe cancionnan manera “Na Aruba
nos ta come pisca fresco cu pan bati.”
A haci entrega tambe di un carchi di e mandatario y
su esposa Doina, felicitando y deseando tur mama
un feliz dia. Como treat crioyo, a regala cada un di e
Casnan di Grandi un caha di pan dushi pa bebe cu
koffie of te.
Despues di Cas di Cuido a sigui pa Huize Maris Stella,
unda tambe a duna serenata na cada grupo cu tabata
sinta pafo di nan camber cu nan bishitantenan y a
finalisa e bishita di ayera cu un mini concierto den
sala di recreacion na Sint Michael Paviljoen.
Tanto residente y dunadonan di cuido a keda suma-
mente contento cu bishita di Prome Minister y en-
canta cu e regalo musical special pa ‘Dia di Mama’.
