Page 12 - AM200330
P. 12
12 AWEMainta Dialuna, 30 Maart 2020
Venezuela a ricibi 55 ton di remedi y test regalo di China
DIASABRA ultimo Venezuela a ricibi di
un forma oficial un carga di asistencia med-
ico humanitario, cu a yega e pais procedente
di Republica Popular di China, pa apoya e
tratamento y combati coronavirus.
Vice Presidente di e pais, Delcy Rodriguez
a informa cu 55 ton di material medico y di
salud a yega Venezuela, entre nan: 500 mil
test kit (test rapido) pa detecta e infeccion;
50 mil test di PCR; 70 mil termometer infra-
red y mas di 30 mil unidad di remedi Cloro-
quina, cu ta wordo considera esun mas efec-
tivo pa combati COVID-19.
El a agrega cu e asistencia tecnico tambe
ta inclui “mondkapjes”, trahe di proteccion,
handschoen, zapato, bril y remedinan antivi-
ral pa cuido di e personal medico. Ademas di
ventiladonan pa reforsa e hospitalnan.
Na mesun momento a haci apelacion pa
mantene e disciplina necesario pa cumpli cu
cuarentena, distanciamento social colectivo ,
boluntario pa core of baha e curva di e caso-
nan di contagio.
“Nos tin e responsabilidad social y colectivo
di cuida nos mes y nos sernan keri,” e Vice
Presidente a bisa.
Dia 19 di maart caba China a manda pa
Venezuela, un cargamento cu 4.015 test kit
di COVID-19, como tambe remedi necesario.
