Page 17 - AWEMAINTA

AWEMainta Diamars, 25 Juli 2017 17

Seminario “Explosion Karate”

dia 5 y 6 di augustus 2017

CU mucho gusto Asociacion Arubiano di Karate-
Do Shotokai (Dojo Shocokan Karate- Do Aruba) ta
extende un invitacion pa tur karateka interesa den e
participacion n’e seminario “Explosion Karate” cual
ta bay tuma luga riba diasabra 5 y diadomingo 6 di
augustus 2017 na Compleho Deportivo Frans Figaroa
na Noord.

Trayectoria
E seminario aki ta wordo duna dor di e instructor
di karate “Shihan” Victor Garrido (di 7 Dan) di e
Asociación Venezolano de Karate Do Shotokai”
y “Federación Internacional Shotokai”. “Shihan”
Victor Garrido ta e persona cu a funda Shotokai na
Venezuela na aña 1989.
E tin un trayectoria largo den karate (estilo shoto-
kan tradicional) como campeon di “kata” (combate
imaginario/tecnico) y “kumite” (combate/bringa-
mento real) n’e campeonatonan anual di New York
na Merca. Tambe el a forma parti di e Seleccion di
Venezuela pa varios aña. Actualmente e ta un arbitro
Panamericano y ta dirigi e Federacion Internacional
Shotokai.

Seminario
Ta un honor pa Dojo Shocokan Karate-Do Aruba
conta cu e participacion di e karatekanan di Aruba.
Un invitacion a bay pa Dojo Ryubu Kai, Dojo
Shibumi, Dojo Shoshinkai, Dojo Gyoseki Kan, Dojo
Budokan, Dojo Makotokan y Aruba Karate Institute.
Tur karateka di edad 6 aña te cu adulto por participa.
E orario di e seminario ta diasabra 5 di augustus 2017
di 12:00pm pa 14:00pm (pa karateka di 6 aña – 12
aña) y di 15:00 pa 17:00 (pa karateka di 13 aña te
cu adulto). E seminario di diadomingo 6 di augustus
tin e mesun orario.
Pa mas informacion por comunica cu instructor di
karate, Sensei Alberto Gonzalez Lujan, na 7451189.