Page 18 - WEB
P. 18
Poniendo como exigencia pa un director
wordo retira, no solamente ta mina paz laboral y ta bai contra nos sistema legal, e ta
forma un precedente preocupante cu ta duna inversionistanan un señal robes. Den un
ehempel specifico, si accion wordo tuma contra di un director di cual su retiro ta wordo
pidi pa medio di sindicato, e porta ta habri pa e metodo aki wordo husa den
negociacionan of disputa di cualkier indole cu ta trece insiguridad y desequilibrio den e
buena marcha di e compania.
Aruba tin companianan di estado vital pa nos economia cu mester por funcciona
debidamente sin intervencion impropio di cualkier gremio of persona. ATIA ta sigui e
desaroyo aki di serca y ta hasi un yamada na sindicato pa keda enfoca ariba e
respresentacion digno y profesional di nan miembro pero semper respetando e cuadro
legal y e autoridad di e organonan cu ta regula un compania di estado.
