Page 27 - WEB
P. 27
Tin di compronde cu gobierno den su esfuersonan pa logra su presupuesto tambe ta
pidiendo e dividendonan di entre otro companianan di utilidad, etc. Riba e pregunta na
prome Minister Evelyn Croes, cu si a pidi tentativamente 18 miyon entre ambos
compania y con esaki lo ta duna. Tin di compronde cu tin proyectonan andando of tin cu
para proyecto of hisa prijs di coriente pa por complace cu e deseo di gobierno. Prome
minister a splica cu prome cu a yega na e anuncio dificil cu tin cu introduci un
crisisheffing, a splica cu ora cu a drenta den gobierno a topa cu un situacion asina dificil
cu a haya nan obliga di bay wak con ta bay atende cun’e mesora.
Prome cos cu a haci ta baha gasto den
gobierno mes. A duna ehempel den bureau di e minister, a baha 8 miyon florin na salario.
Pero esey no tabata suficiente. Di dos paso cu a haci ta cu a bay na e companianan estatal.
Aki ta caminda cu a pidi tur e companianan estatal algun cos. Pa cuminsa a pidi nan cada
un e corporate governance code, pasobra den cuadro di integridad tin pensa di bin cu un
instituto cu ta bay vigila e cumplimento di good corporate governance, y e temanan di
integridad di nos companianan estatal. Den un carta a splica cu gobierno, ta pasando den
momentonan hopi dificil. No tin placa. Mester corta casi te na weso y e ora na e
momentonan aki ta momento cu a haci un apelacion riba e companianan estatal, pa tambe
austerisa. Pa tambe baha gasto pa haci un quick scan y den dos siman informa con hopi
gasto nan por baha.
